❓ЖҰМЫСКЕРДІ ЖЫЛ САЙЫНҒЫ АҚЫЛЫ ЕҢБЕК ДЕМАЛЫСЫНАН КЕРІ ШАҚЫРТЫП АЛУДЫҢ ЗАҢНАМАЛЫҚ БЕЛГІЛЕНГЕН ТӘРТІБІ БАР МА?
Жұмыскерді жыл сайынғы ақылы еңбек демалысынан кері шақыртып алудың заңнамалық белгіленген тәртібі бар ма?
ҚР Еңбек кодексінің (бұдан әрі – ҚР ЕК) 95-бабы 1-тармағына сәйкес жұмыс беруші өндірістік қажеттілік жағдайында жыл сайынғы ақы төленетін еңбек демалысын жұмыскердің жазбаша келісімімен ғана үзуі мүмкін.
ҚР ЕК 95- бабы 2- тармағында тараптардың келісімі бойынша кері шақыртып алуға байланысты еңбек демалысының пайдаланылмаған бөлігінің қалған күндерін пайдаланудың мынадай жағдайлары көзделген:
ағымдағы жұмыс жылы ішінде немесе келесі жұмыс жылында кез келген уақытта берілед не келесі жұмыс жылының жыл сайынғы ақы төленетін еңбек демалысына қосылады.
Сонымен қатар, ҚР ЕК 95- бабы 3- тармағымен кері шақыртып алған кезде демалыстың пайдаланылмаған бөлігін басқа уақытта берудің орнына жыл сайынғы ақы төленетін еңбек демалысының пайдаланылмаған бөлігінің күндері үшін өтемақы төлемі жүргізілетіні қарастырылған.
Сонымен, жыл сайынғы ақы төленетін еңбек демалысының (жыл сайынғы еңбек демалыстарының) пайдаланбаған күндері үшін өтемақы төлемі жұмыскердің орташа жалақысы есебінен есептеледі (ЕК 96-бабы 2-тармағы).
Жыл сайынғы ақылы еңбек демалысынан кері шақыртып алу пайдаланылмаған еңбек демалысы күндеріне өтемақы төлеу немесе кез келген басқа уақытта пайдаланылмаған демалыс күндері беріледі деген жұмыс берушінің актісімен ресімделеді. Ол міндетті түрде жұмыс беруші мен жұмыскер арасындағы келісіммен анықталуы тиіс.