ЕҢБЕКТІ ҚОРҒАУ ЖӨНІНДЕГІ ДҮНИЕЖҮЗІЛІК КҮН – 2026
ҚОЛАЙЛЫ ПСИХОӘЛЕУМЕТТІК ЖҰМЫС ОРТАСЫ: ҚЫЗМЕТКЕРЛЕРДІҢ ӨРКЕНДЕУІ МЕН ҰЙЫМНЫҢ ТҰРАҚТЫЛЫҒЫНА БАСТАР ЖОЛ
Жыл сайын 28 сәуірде Халықаралық еңбек ұйымы (ХЕҰ) бастамасымен Еңбекті қорғау жөніндегі дүниежүзілік күн атап өтіледі. 2026 жылғы тақырып - «Қолайлы психоәлеуметтік жұмыс ортасы: қызметкерлердің өркендеуі мен ұйымның тұрақтылығына бастар жол».
Қазіргі заманғы еңбек ортасы тек физикалық қауіпсіздікке ғана емес, сонымен қатар қызметкерлердің психологиялық әл-ауқатына да жаңа талаптар қояды.
Психоәлеуметтік факторлар - мысалы, стресс деңгейі, жұмыс жүктемесі, ұжымдағы қарым-қатынас, басшылық тарапынан қолдау - қызметкерлердің денсаулығына, ынтасына және еңбек өнімділігіне елеулі әсер етеді.
Қолайлы психоәлеуметтік ортаны қалыптастыру:
кәсіби стресс пен эмоциялық күйзелісті азайтуға;
қызметкерлердің қатысу белсенділігі мен қанағаттануын арттыруға;
ұйым ішіндегі сенім мен корпоративтік мәдениетті нығайтуға;
ұйымның тиімділігі мен тұрақтылығын арттыруға ықпал етеді.
Еңбекті қорғау жөніндегі дүниежүзілік күн аясында Халықаралық еңбек ұйымы дәстүрлі түрде ақпараттық және әдістемелік материалдар ұсынады. Биыл келесі материалдар дайындалды:
ресми ақпараттық плакаттар;
ХЕҰ Бас директоры Гилберт Ф. Унгбо бейнеүндеуі, онда қауіпсіз әрі қолдаушы жұмыс ортасын қалыптастырудың маңыздылығы атап өтіледі;
ХЕҰ-ның еңбекті қорғау және жұмыс ортасы бөлімінің басшысы Жоаким Пинтаду Нуньеш бейнеүндеуі, онда психоәлеуметтік тәуекелдерді басқарудың заманауи тәсілдері қарастырылады.
ХЕҰ Бас директорының бейнематериалымен төменде таныса аласыз:
YouTube: https://www.youtube.com/watch?v=_NPrwFJ-Hfw
Vimeo: https://vimeo.com/.../dfc07348-0f4b.../videos/1178881830
Қосымша материалдар, талдамалық есептер мен ұсынымдар Еңбекті қорғау жөніндегі дүниежүзілік күн – 2026-ға арналған ХЕҰ ресми сайтында орналастырылған.
Қолайлы психоәлеуметтік жұмыс ортасын құру — бұл бір реттік шара емес, жұмыс берушілер мен қызметкерлердің бірлескен қатысуын талап ететін жүйелі үдеріс. Тек ортақ күш-жігер арқылы қауіпсіз, дені сау және өнімді еңбек жағдайларын қалыптастырып, ұйымның тұрақты дамуы мен әрбір қызметкердің әл-ауқатын қамтамасыз етуге болады.
