КӘСІПОДАҚТАҒЫ ҰЙЫМДАСТЫРУ ЖҰМЫСЫ
Шығыс Қазақстан облысы оқу-ағарту, жоғары білім, ғылым және басқа бюджеттік ұйымдар қызметкерлерінің жергілікті кәсіподағы аудандық, қалалық ұйымдардың төрағалары, кәсіподақ резерві мен белсенділері үшін «Кәсіподақтағы ұйымдастыру жұмысы» тақырыбында тәжірибелік сабақ өткізді.
Тәжірибелік сабақтың мақсаты – кәсіподақ ұйымдарының жұмысын жандандыру, кәсіподақ мүшелерінің құқықтары мен мүдделерін қорғау, сондай-ақ ұйымдастырушылық жұмыстарын жетілдіру.
Шара барысында Глубокое ауданы білім беру қызметкерлерінің кәсіподақ ұйымының төрағасы А.Мусина «Кәсіподақтың жұмысын ұйымдастыру мен жоспарлау» тақырыбында шеберлік-сыныбын, ал ШҚО жергілікті мамандары Е.Крупко, Н.Базилева «Кәсіподақ ұйымында іс жүргізу», «Кәсіподақтық оқытудың мақсаты, жоспарлау мен ұйымдастыру», «Резервті қалыптастыру», «Кәсіподақты ынталандыру жүйесі» бойынша тәжірибелік жұмыстар ұйымдастырды.
Сонымен қатар, қатысушылар өздерінің жұмыс тәжірибелерімен бөлісіп, алдағы жоспарларымен таныстырды. Бұл тәжірибелік сабақ кәсіподақ қызметкерлерінің біліктілігін арттыруға және олардың жұмысын жақсартуға бағытталған маңызды қадам болды.
-
Фотографии
-
