ҚОШ КЕЛДІҢ, ӘЗ-НАУРЫЗ!
Маңғыстау облысы, Түпқараған ауданындағы Жалау Мыңбаев атындағы мектеп-гимназиясында облыстық кәсіподақ, Түпқараған аудандық білім бөлімі және аудандық кәсіподақ филиалының ұйымдастыруымен «Қош келдің, әз Наурыз!» атты мерекелік шара өткізілді.
Ауыл әкімі Жеткізген Еркебұлан Қуанышқалиұлы, Білім бөлім басшысы Утесбаева Айбаршын Қуанышқалиқызы, Облыстық кәсіподақ ұйымының басшысы Баймбетова Тәрбия Анайбекқызы сөз сөйлеп мерекелік шараны ашып берді.
Одан әрі шара ән-күймен жалғасып, тамаша көңіл - күй сыйлайтын мерекелік концерт өткізілді. Той думанмен қоса аудан мектептері арасында көнеден келе жатырған ойынның бірі «Ләңгі тебу» жарысы, бөбекжай қызметкерлері арасында «Бестемше» жарысы өткізілді.
«Ләңгі тебу» жарысы бойынша 1 – орын Ақшұқыр мектеп – лицейі, 2 - орын Е.Өмірбаев атындағы орта мектебі, 3 орын Шахта орта мектебі, ынталардыру Ж.Мыңбаев атындағы мектеп – гимназиясы иеленді.
Бөбекжайлар арасында өткізілген «Бестемше» жарысы бойынша 1-орын Ақбота бөбекжайы, 2-орын Айналайын бөбекжайы, 3-орын Құлыншақ және Айгөлек бөбекжайы иеленді.
Мерекелік шара наурыз дастарханынан дәм татумен жалғасын тапты. Мектеп директоры Б.Сұлтансихқызы барша келген қонақтарды және ардагер ұстаздарды Наурыз мерекесімен құттықтады. Бастауыш кәсіподақ төрағалары өз тілектерін білдірді.
Мектеп оқушылары өнерлерін көрсетіп, ән – би, терме айтылып, ардагер ұстаздар «Ұршық» иіруден жарысқа түсті.
Көнеден сақталған салт – дәстүріміз жайында сұрақтар қойылды. Қонақтар ағаш отырғызып, ақ құйып, ақ батасын берді.
Г.Жолдыбаева,
Түпқараған ауданы, Жалау Мыңбаев атындағы мектеп-гимназиясының бастауыш кәсіподақ ұйымының төрайымы.
Маңғыстау облысы.
-
Фото
-
