КӘСІПОДАҚТЫҢ КЕЗЕКТІ СЫЙЫ АНАЛАРҒА АРНАЛДЫ
БҚО, Ақжайық аудандық білім қызметкерлерінің кәсіподақ ұйымы мен білім қызметкерлері кәсіподағының әйелдер ісі жөніндегі комиссиясы білім беру ұйымдарындағы көпбалалы аналар, яғни «Алтын алқа», «Күміс алқа» иегерлерімен «Ардақты ана, Батыр ана, Ер ана» тақырыбында мерекелік шара ұйымдастырды.
Шараға аудандық білім қызметкерлерінің кәсіподақ ұйымының төрағасы Максим Жаншаұлы Үмбеталиев, Ақжайық ауданының ардагер-ұстаздар кеңесінің төрайымы Шамшия Имахқызы Жиенбаева, аудандық білім қызметкерлері кәсіподағының әйелдер ісі жөніндегі комиссиясының төрайымы Альсеитова Шынар Құмарқызы және аудандық кәсіподақ ұйымының қазынашысы Мұрзағалиева Саида Темірқызы қатысып, аналарға өз құттықтауларын арнады.
Мерекелік шара ардақты аналарға арналған ән шашумен жалғасын тапты.
Қорытындысында аудандық кәсіподақ ұйымының төрағасы Максим Жаншаұлы қатысушыларды Алғыс хаттармен марапаттап, гүл шоқтары мен естелік сыйлықтарын табыс етті.
Әріптестер мерекелік шарадан алған әсерлерімен бөлісіп, осындай мерекелік шараны ұйымдастырған кәсіподақ ұйымына өз алғыстарын айтып, аналарға деген ерекше құрмет үшін ризашылықтарын білдірді.
Салалық кәсіподақтың Батыс Қазақстан облыстық ұйымы
-
Фото
-
