КӘСІПОДАҚ ҚЫЗМЕТІ ТҰРАҚТЫ
Маңғыстау облыстық кәсіподақ ұйымының басшысы Т.А.Баймбетова. «Балдырған» санаториялық бөбекжай бақшасының ұжымымен кездесіп, келісу жұмыстарын өткізді.
Жиналысқа жиырмаға жуық адам қатысты. Тәрбия Анайбекқызына көптеген сауалдар беріліп, толықтай жауаптары қанағаттандырылды.
Ұжымға жан-жақты кәсіподақ қызметі, кепілдіктері, мазмұны, маңызы терең түсіндірілгеннен кейін оң пікір қалыптасты.
Кәсіподақ мүшелері бастауыш кәсіподақ ұйымының белсенді мүшесі болып қоғамдық жұмыстарға қатысып, кәсіподақ қозғалысын жандандыруға өз үлестерін қосуға пікір білдірді.
«Балалар жылы» қорытындысына орай кәсіподақ атынан балабақша бүлдіршіндеріне түрлі ойыншықтар, сыйлықтар таратылды.
Ұжым басшысының м.а. Отарбаева Ағлес және кәсіподақ төрайымы Бахаева Назгүл Ерханқызы әріптестері, балалар атынан кәсіподаққа алғыстарын, ризашылықтарын білдіре отырып, қызметтеріне сәттіліктер тіледі.
М.Қаржаубаева,
Салалық кәсіподақтың Маңғыстау облыстық ұйымының Қарақия аудандық филиалының төрағасы.
