ЖАРҚЫН БОЛАШАҚ ИЕСІ-ЖАС МАМАН
Жас педагог волонтерлікті жанына серік етіп жүрген жандардың бірі. Осы уақытқа дейін түрлі әлеуметтік жобаларды іске асырып келеді. 2018 жылы Білім және Ғылым министрлігі мен Дүние жүзілік қайта құру және даму банкі ұйымдастырған «ZhasProject» бағдарламасына қатысып, грант жеңіп, ауылымызда үстел теннисі клубын ашып, мектеп оқушылары мен ауыл тұрғындарына тегін қызмет көрсетті. 2019 жылы «Менің арманым» стартап байқауына қатысып, облыстық іріктеудің жеңімпазы атанды. «Birgemiz Qamqor» бағыты бойынша «Тылда қалған балалық шақ» жобасы бойынша ауылдағы тыл ардагерлеріне азық-түлік толы себет пен тұрмысқа қажетті заттарды тегін таратты. «Birgemiz Sabaqtastyq» бағыты бойынша «Шексіз жақсылық» жобасын іске асырып, ауылдағы балаларға тегін шаштараз қызметін көрсетіп, киім-кешек таратты. Ауыл балаларының шығармашылық қабілеттерін шыңдау мақсатында «Жыр дүлдүлі Жәкібай» күйшілер сайысын өткізіп, барлық қатысушыларды бағалы сыйлықтармен марапаттады. Аудандық ТЖ басқармасының өкілдерімен бірлесіп, ауыл оқушыларына ақпараттық жұмыс жүргізіп, 20 үйге өрт, түтін кезінде дыбыс шығаратын құрылғыны тегін таратып берді.
