Кел, Жаңа жыл, ортаға
2016 жылы желтоқсанның 30 жұлдызында Атырау мұнай және газ университетінің студенттер сарайында мәдениет басқармасының және кәсіподақ ұйымының ұйымдастыруымен «Кел, Жаңа жыл, ортаға» атты балаларға арналған жаңа жылдық шырша мерекесі болып өтті.
Атырау мұнай және газ университеті бүлдіршіндерге арналған шырша тойын жылда өткізуді дәстүрге айналдырған. Биыл да театрландырылған, жаңа жылдық шыршаға 100-ден аса оқу орын қызметкерлерінің балалары қатысты.
Олардың құрметіне ертегі кейіпкерлерінің қатысуымен театрландырылған мерекелік бағдарлама қойылып, ән мен би ойындары ұйымдастырылды. Театрландырылған қойылым балалардың көңілін көкке шалқытты. Кішкентай қонақтар Аяз ата, Ақшақармен бірге шыршаны айнала ән айтып, би билеп, қызықты ойындар ойнады. Ойындарға белсенді қатысып, Аяз-ата мен Ақшақарға тақпақ, өлеңдерін айтқан балалар ерекше сыйлықтарға ие болды. Сәні мен салтанаты жарасқан жаңажылдық шырша балаларға мерекелік көңіл-күй мен ұлан-асыр қуаныш сыйлады.
Мереке соңында балаларға университет және кәсіподақ ұйымы атынан дайындалған арнайы сыйлықтар табысталды.
-
Фото
-
