ЖАС МАМАНДАР САЙЫСЫ
Тәуелсіздік – ең алдымен ата-бабамыздың бостандыққа ұмтылған асқақ армандары мен қайсар рухының жемісі. Әрбір жас буынның жүрегіне Отанға деген шексіз сүйіспеншілік дарытатын қазақстандықтардың ортақ мерекесі. Сондықтан да біз үшін Тәуелсіздік күні – ең қастерлі күн.
Осынау мерейлі мереке қарсаңында біздің мектепте «Үздік жас маман - 2021» байқауы өтті. Мектептің бастауыш кәсіподақ комитетінің ұйымдастыруымен өткен байқаудың мақсаты - жас мұғалімдерді анықтау және оларға қолдау қөрсету болды.
Сайыс 4 кезеңді құрады. Алғашқысы Тәуелсіздік күніне арналған бейнеролик түсіру, екіншісі - «Визитка», үшіншісі - 1991 жылдан бергі оқиғаларды білу бойынша тарихи викторина және соңғысы қатысушылардың өнерін бағалауға бағытталған - «Талант» туры болды. Сайысқа мектептің 8 жас маманы қатысып, өз қиялын, зерделілігін, шығармашылығын паш етті.
Байқау қорытындысы бойынша бас жүлдені математика пәнінің мұғалімі Н.Баубеков иеленді. Ал бастауыш сынып мұғалімі Г.Богданова 1 орын, орыс тілі мұғалімі М.Берік 2 орын, дене шынықтыру пәнінің мұғалімі А.Табылдиев 3 орын иегері атанды. Әлеуметтанушы Ж.Сатай мен дене шынықтыру пәнінің мұғалімі Ж.Сәмен арнайы номинация бойынша марапатталды.
Жеңімпаздарға диплом мен бағалы сыйлықтар табыс етілді.
Жеңімпаздарға диплом мен бағалы сыйлықтар табыс етілді.
Марал Күреңбаева,
№44 мектептің бастауыш кәсіподақ ұйымы төрайымы,
Меркі ауданы, Жамбыл облысы
