ЖАҢА ЖОБА ЖОЛ ТАРТТЫ
Ақтөбе облыстық білім және ғылым қызметкерлері кәсіподақ ұйымының бастамасымен “Modern teacher-2022” жобасы қолға алынды.
Бұл жоба арқылы аймақ ұстаздары білім мен ғылым саласындағы соңғы өзгерістер туралы ақпарат алады деп күтілуде. Алғаш рет ZOOM платформасында өткен экспресс -курс педагогтарды аттестациядан өткізудің жаңа ережесіне сәйкес эссе жазу дағдыларын дамытуға арналды.
Әйтеке би ауданының педагогтары алдында Қ.Жұбанов атындағы Ақтөбе өңірлік университетінің педагогика, психология, бастауыш оқыту кафедрасының оқытушысы, тұлғалық өсу бойынша тренер, ментор, подкастер Сағадат Райбек Телжанұлы эссе, оның құрылымы, жазба жұмысының ерекшеліктері туралы тың ақпараттармен бөлісті. Вебинарды заманауи методикалық әдістермен түрлендіріп, қатысушылардың оң пікіріне ие болды.
Осы тақырыпқа арналған оқыту вебинары Ақтөбе облысының барлық ауданы мен облыстық мамандандырылған мектеп мұғалімдері үшін кесте бойынша өтпек.
