БІЛІМ ҚЫЗМЕТКЕРЛЕРІ АРАСЫНДАҒЫ БАСКЕТБОЛ ЖАРЫСЫ
2022 жылдың 24 -25 наурыз аралығында Шығыс Қазақстан облысы Аягөз қаласының «№ 3 жалпы білім беретін аралас орта мектебі» КММ және «№ 4 жалпы білім беретін аралас орта мектебі» КММ спорт залдарында аудандық білім және ғылым қызметкерлері кәсіподақ комитетінің ұйымдастыруымен білім қызметкерлері арасында «Наурыз» мерекесіне арналған баскетболдан жарыс өткізілді.
Жарыстың мақсаты:
- Аудан көлемінде мұғалімдер арасында баскетболды кеңінен насихаттау;
- Дене шынықтыру мен спорт арқылы салауатты өмір салтын насихаттау;
Жарысқа 10 команда қатысты. Олар: № 1 орта мектебі,Д. Бабатайұлы атындағы орта мектебі,№ 3, № 4, № 5, № 6 орта мектептері, К. Бозтаев атындағы орта мектебі,мектеп – гимназия,мектеп – лицей,С. Ғаббасов атындағы орта мектебі командалары.
Ауа-райының қолайсыздығына байланысты, ауылдық округтердегі мектептердің командалары жарысқа қатыса алмады. Жеребе арқылы командалар 3 топқа бөлінді. Жарыс жоғарғы дәрежеде өтті. Ақтық ойындарға «№ 1жалпы білім беретін орта мектебі»КММ, «№ 4 жалпы білім беретін аралас орта орта мектебі» КММ, «Қалалық көпбейінді қазақ мектеп гимназиясы» КММ командалары шығып,жүлделі орындарды сарапқа салды.
Ақтық ойындарда жақсы ойын көрсетіп, І орынды «№ 4 жалпы білім беретін аралас орта орта мектебі» КММ командасы, ІІ орынды «№1 жалпы білім беретін орта мектебі» КММ командасы, ІІІ орынды «Қалалық көпбейінді қазақ мектеп гимназиясы» КММ командасы иеленді.
Жарыстың «Ең үздік ойыншысы» болып «№ 4 жалпы білім беретін аралас орта орта мектебі» КММ командасының ойыншысы А.Қананов, «Үздік қорғаушы» болып «Қалалық көпбейінді қазақ мектеп гимназиясы» КММ командасының ойыншысы Б.Шумаков, «Үздік шабуылшы» болып «№ 1жалпы білім беретін орта мектебі»КММ командасының ойыншысы А.Махатов танылды.
Жарыс соңында жеңімпаздар мен жүлдегерлер және үздік ойыншылар аудандық білім және ғылым беру қызметкерлері кәсіподақ комитетінің кубоктарымен,бағалы сыйлықтарымен, медальдарымен,мақтау қағаздарымен марапатталды.
С.Ещанова,
Аягөз аудандық білім және ғылым қызметкерлері кәсіподақ комитетінің төрайымы.
ШҚО.
