ҰСТАЗДЫ ЕСКЕ АЛУҒА АРНАЛҒАН СПОРТТЫҚ ТУРНИР
2022 жылдың 9 сәуір күні Павлодар облысы Аққулы ауданы Лебяжі ЖОББ мектебінің базасында Жамбыл ЖОББ мектебінің тарих пәнінің мұғалімі Вахитов Ильдар Ильдусовичті еске алуға арналған турнир өткізілді. Спорттық турнирге жеті команда қатысты. Турнир кәсіподақ ұйымының қолдауымен Ильдар Ильдусовичтің достары мен сыныптастарының бастамасымен Аққулы ауданының білім беру ұйымдарының қызметкері, сыныптастары, достары және ауылдастары арасында өткізілді.
Турнирге қатысушыларды қолдауға Ильдар Ильдусович 2000-2011 ж. оқыған және 2015 жылдан бастап қызмет еткен Жамбыл ЖОББ мектебінің ұжымы келді. Ильдар Ильдусович 2015 жылы «Тарих» мамандығы бойынша ИнЕУ тәмәмдаған. 2018 жылы заң магистрі дәрежесін алады.
Турнирдің ашылуына ата-аналары, туыстары, жұбайы , ұлы, Павлодар облыстық білім және ғылым қызметкерлерінің кәсіподақ ұйымының бас маманы А.Ф. Арынова қатысты.
Спорттық турнирде қатысушылар ептілік, дәлдік пен жылдамдықты көрсетті. Төрешілер командалардың тартысты додадағы ойындарына қорытынды жасап, қатысушыларды Грамоталармен және сыйлықтармен марапаттады.
1 орынға Жамбыл ЖОББ мектебінің командасы ие болса, 2 орынға Лебяжі ЖОББ мектебінің командасы лайық деп танылды. 3 орын Аққулы командасына бұйырды.
«Үздік қорғаушы» номинациясымен Жасұлан Ахметжанов, «Үздік шабуылшы» номинациясымен Ренат Шуахбаев, «Үздік қорғаушы» номинациямен Әскербек Үмбет марапатталды.
Жарысқа қатысушыларды құттықтаймыз!
Біздің жас ұстаз туралы жарқын естелік біздің жүрегімізде мәңгі сақталады.
-
Фото
-
