МҰҒАЛІМДЕР АРАСЫНДА КІШІ ФУТБОЛДАН ОБЛЫСТЫҚ КӘСІПОДАҚ БІРІНШІЛІГІ
ШҚО Абай ауданы, Қарауыл ауылында Семей аймақтық білім және ғылым қызметкерлері кәсіподақ мүшелері арасында Ұлағатты ұстаз Хаметов Боранбай Жұмағазыұлын еске алуға және М.О. Ауэзовтың 125 жылдығына арналған кіші футболдан облыстық турнир өтті. Жарысқа Семей қаласы, Бесқарағай,Аягөз,Ұржар және Абай ауданынан барлығы 80 - ге тарта мұғалім қатысты. Жарыстың ашылу салтанатында Абай ауданы әкімінің орынбасары М.С.Смағұлов құттықтау сөз сөйледі.
Семей аймақтық білім қызметкерлері кәсіподақ ұйымының төрағасы С.М.Ибраев жарысқа қатысушыларға сәттілік тіледі. Білім саласының ардагері Е.М.Имаханов жарысқа қатысушыларға жүрекжарды тілегін жолдап, Боранбай Жұмағазыұлы туралы естеліктерімен бөлісті.
Жарыс қорытындысы бойынша жүлделі 1 орынды Абай атындағы мамандандырылған мектеп гимназия интернатының мұғалімдер командасы иеленді. Жүлделі 2 орын Ұржар ауданының мұғалімдер командасына бұйырды. Жүлделі 3 орынды Абай атындағы мамандандырылған мектеп гимназия интернатының мұғалімдерінен құралған № 2 командасы еншіледі. Жарыс жеңімпаздары арнайы медаль, кубок, грамоталармен марапатталды.
Жарыста жақсы ойын көрсеткен ұстаздар «Үздік шабуылшы» Ермахан Жайлаубек, «Үздік ойыншы» Мейрам Мұқаев, «Үздік қақпашы» Роллан Серікұлы және Ерсін Кіндікбаев , Рүстем Асанов арнайы сыйлыққа ие болды. Жарыстың демеушілері мен ұйымдастырушылары Семей аймақтық білім және ғылым қызметкерлері кәсіподақ ұйымы, Хаметов Боранбай Жұмағазыұлының туыстары,шәкірттері және Абай атындағы мамандандырылған мектеп-гимназия интернатының ұжымы.
Абай аудандық білім қызметкерлері кәсіподағы.
ШҚО.
