ҰСТАЗДАРҒА – ҚАШАНДА ҚҰРМЕТ
Атырау облыстық Кәсіподақтар үйінде бір топ педагогтарға білім беру жүйесінде ұзақ жылдар бойы адал еңбегі мен ұстаздық міндетін абыроймен атқарып, ұлтымыздың болашағы – жастарға өнегелі тәрбие мен сапалы білім берудегі жетістіктері және қоғамдық өмірге белсене қатысқан үшін Қазақстандық салалық білім және ғылым қызметкерлері кәсіптік одағының төрайымы Айгүл Мұқашеваның атынан марапаттарды табыстау рәсімі өтті.
Салтанатты жиынды облыстық салалық ұйымның төрағасы Қылышбай Сүндетұлы кіріспе сөз сөйлеп ашты. Төраға өз сөзінде аймақтың білім беру ісінде абыроймен еңбек етіп, кәсіподақ ұйымының белсенділігін арттыруға зор үлесіп қосып жүрген ұстаздар есімі қашанда құрметке лайық деді. Жиналыста «Атырау облысы білім және ғылым қызметкерлері кәсіптік одағы» қоғамдық бірлестігі Атырау қалалық комитеті филиалының төрағасы Бағытжан Мусағали, Индер ауданы «Гүлдәурен» бөбекжай бақшасының тәрбиешісі Сатия Алиева, Исатай ауданы білім бөлімінің «Ш.Шарипов балалар саз мектебі» КМҚК-нің терме пәні мұғалімі Асем Бахитова, «Атырау облысы білім және ғылым қызметкерлері кәсіптік одағы» қоғамдық бірлестігі Жылыой аудандық комитеті төрайымы Гүлайым Төребекова марапат иелерін шын жүректен құттықтады. Атап айтқанда:
«Білім және ғылым қызметкерлерінің кәсіподағына сіңірген еңбегі үшін» төс белгісімен:
- Әлиева Сатия, Индер ауданы, «Гүлдәурен» бөбекжай бақшасының тәрбиешісі.
- Бахитова Әсем Жолдасқызы, Атырау облысы білім беру басқармасының Исатай ауданы білім бөлімінің «Ш.Шарипов балалар саз мектебі» КМҚК Терме пәні мұғалімі.
«Қазақстандық салалық білім және ғылым қызметкерлерінің кәсіптік одағы» қоғамдық бірлестігінің «Құрмет грамотасымен»:
- Мухиденов Жанпейіс Өтепұлы, Исатай ауданы, Новобогат балалар саз мектебінің мұғалімі.
- Қарабалина Толқын Үкіметқызы, Исатай ауданы, жалпы білім беретін Ф.Оңғарсынова атындағы орта мектептің бастауыш кәсіподақ ұйымының төрайымы.
- Хидуллин Абай Салықұлы, Исатай ауданы, жалпы білім беретін Ю.Гагарин орта мектебінің бастауыш кәсіподақ ұйымының төрағасы.
- Хасанова Светлана Сайханқызы, Тіл мүкістігі бар балаларға арналған №3 облыстық арнайы мектеп-интернаты директорының оқу-ісі жөніндегі орынбасары.
- Омашева Майра Латипқызы, Тіл мүкістігі бар балаларға арналған №3 облыстық арнайы мектеп - интернатының бастауыш сынып мұғалімі, лагопед.
- Масалимов Айбол Қамзаұлы, Индер ауданы, Есбол орта мектебінің АӘжТД және дене тәрбиесі пәні мұғалімі.
- Байтілеуов Бекболат Сайынұлы, Индер ауданы, Махамбет атындағы орта мектептің дене тәрбиесі пәні мұғалімі.
Марапаттарыңыз құтты болсын, ұстаздар!
