«МЕКТЕПКЕ ЖОЛ»: ҚАРАҒАНДЫДА КӘСІПОДАҚ НАУҚАНҒА ҚАРҚЫНДЫ ҚАТЫСУДА
2022 жылдың 24 тамызы күні Қарқаралы ауданында Қазақстандық салалық білім және ғылым қызметкерлері кәсіптік одағы тарапынан «Мектепке жол – Шекарасыз жақсылық» ұранымен қайырымдылық шарасы өткізілді. Шараға ауданның барлық білім беру ұйымдары қамтылды.
39 білім беру ұйымынан көпбалалы 196 кәсіподақ ұйымының мүшелері анықталып, «Қазақстандық салалық білім және ғылым қызметкерлері кәсіптік одағының Қарағанды облыстық ұйымы» қоғамдық бірлестігі тарапынан оларға қайырымдылық көмектер көрсетілсе, «Қазақстандық салалық білім және ғылым қызметкерлері кәсіптік одағының Қарағанды облыстық ұйымының Қарқаралы аудандық комитеті» филиалы 38 білім беру ұйымындағы балалары алғаш мектеп табалдырығын аттайтын 145 отбасын қолдады.
Шара барысында «Қазақстандық салалық білім және ғылым қызметкерлері кәсіптік одағының Қарағанды облыстық ұйымының Қарқаралы аудандық комитеті» филиалы төрағасы А.Секербайұлы арнайы Қарқаралы қаласындағы академик О.Жәутіков атындағы жалпы білім беретін №1 мектеп ұжымымен кездесіп, мектеп ұжымын жаңа оқу жылымен құттықтап, жаңа оқу жылында жаңалықтармен таныстырып, 16 отбасына қайырымдылық көмектерін жеткізді. Барлық білім беру ұйымдарында бастауыш кәсіподақ төрағалары бұл шараны өз ұжымдарында өткізуде.
Аудан ұстаздары қайырымдылық көмек қолын созып, үнемі қолдау мен қамқорлық танытып отырған «Қазақстандық салалық білім және ғылым қызметкерлері кәсіптік одағының Қарағанды облыстық ұйымы» қоғамдық бірлестігіне үлкен алғыстарын білдірді.
