МАҢҒЫСТАУДА МҰҒАЛІМДЕР ОТБАСЫ СПОРТТАН СЫНҒА ТҮСТІ
Маңғыстау облысының білім басқармасы, Маңғыстау аймақтық дене тәрбиесі орталығы және «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» қоғамдық бірлестігінің ұйымдастыруымен әлеуметтік іс-шаралар аясында «Балалар жылына» орай отбасы күніне арналған «Бір отбасы-бір команда» атты облыстық эстафеталық спорттық сайысы өткізілді.
Сайыс Мұнайлы ауданы №5 Шоғы Мұңалұлы ЖББМ спорт залында бас төреші М.Турбаевтың ұйымдастыруымен өтті. Сайысқа облысымыздан 6 команда қатысып өзара жүлделерді сарапқа салды.
Тартысты әрі қызықты сайыста Қарақия ауданынан келген №8 ЖББМ дене тәрбиесі пәнінің мұғалімі Қуаныш Шағировтың отбасы командасы Бас жүлдені жеңіп алды. 1-орынды Жаңаөзен қаласынан келген Оразбаев Рамазанның отбасы, 2-орынды Ақтау қаласынан Қанат Найзабековтың отбасы ал 3-орынды Мұнайлы ауданының атынан қатысқан Дарманов Орынғали отбасы командасы иеленді.
Барлық қатысушы командаларға Маңғыстау облыстық кәсіподақ ұйымы арнайы сертификаттар табыс етті. Маңғыстау облысының білім басқармасы, Маңғыстау аймақтық дене тәрбиесі орталығы жүлдегерлерді кубок, медаль, дипломмен грамоталармен марапаттады.
«Қазақстандық салалық білім және ғылым қызметкерлері кәсіптік одағы Маңғыстау облыстық ұйымы» ҚБ
