КӘСІПОДАҚ МҮШЕЛЕРІ АРАСЫНДАҒЫ ТУРНИР
Әлеуметтік әріптестік жылы аясында «10 қазан - ҚР Кәсіподақтар күніне» орай, Батыс Қазақстан облыстық білім және ғылым қызметкерлерінің кәсіподағы, Орал қалалық комитеті – Филиалы және Орал қалалық білім беру бөлімінің ұйымдастыруымен Батыс Қазақстан облыстық білім және ғылым қызметкерлерінің кәсіподақ мүшелері арасында шахматтан және тоғызқұмалақтан Турнир ұйымдастырылды.
Турнирді Қалалық білім беру бөлімінің дене шынықтыру пәндері әдіскері - Тарас Қуанғалиев және БҚО Орал қалалық кәсіподақ комитеті – Филиалының төрағасы – Төлеген Темешев ашып, шараның басты мақсаты - ұлттық зияткерлік спорт түрін насихаттау және дамыту, кәсіподақ мүшелерінің жұмысын жандандыру, кәсіподақ қозғалысын насихаттау жұмыстарын жүргізу, жалынды жастарды кәсіподақ қызметіне көптеп тарту, ынталандыру, сондай-ақ кәсіподақ мүшелеріне қолдау көрсету жөніндегі бірлескен жобаларды жүзеге асыру мен жастар арасында патриоттық сезім қалыптастыру екенін айтып, қатысушыларға сәттілік тіледі.
Турнирге 27 команда команда қатысты. Жарыстар жекелей есепте ойынның блиц түрі бойынша швейцарлық жүйесімен 7 турда жекелей есепте, ерлер және әйелдер арасында бөлек өткізілді.
Тоғызқұмалақтан ерлер арасында 1 орынды Бектас Кенжеғалиев (№42 «Ақниет» гимназиясы), 2 орынды Данияр Орынбасаров (№1 ЖОББМ), 3 орынды Науқан Жұмалиев (№19 ЖОББМ) иеленді.
Әйелдер арасында 1 орын Жадыра Байзенова (Эстетикалық бағыттағы гимназия), 2 орын Бақыт Гайсина (№1 ЖОББМ), 3 орын Гүлзер Лескали (№45 ЖОББМ) иеленді.
Шахматтан ерлер арасында 1 орынды – Алтынбек Темірбеков (№20 ЖОББМ), 2 орын – Даулетхан Набиоллин (№44 мектеп-гимназиясы), 3 орын – Зауир Бишаев (№23 ЖОББМ) иеленді.
Әйелдер арасында 1 орын – Баршагүл Нұрпекеева (№43 ЖОБМ), 2 орын – Айдана Қажғалиева (эстетикалық бағыттағы гимназия), 3 орын – Айжан Ергалиева (№42 «Ақниет» гимназиясы) иеленді.
Жүлделі орындарға ие болған қатысушылар БҚО Орал қалалық кәсіподақ комитеті – Филиалының арнайы дипломымен және бағалы сыйлықтармен марапатталып, келесі облыстық Турнирге жолдама алды.
БҚО ОРАЛ ҚАЛАЛЫҚ КӘСІПОДАҚ КОМИТЕТІ – ФИЛИАЛЫ
