АРДАГЕРЛЕРДІ АРДАҚТАУ – ҚҰРМЕТТІ ІС
Ыбырай Алтынсарин атындағы Арқалық педагогикалық институты қызметкерлерінің бастауыш кәсіподақ ұйымы 1 қазан – Халықаралық қарттар күнімен институттан құрметті демалысқа шыққан ардагерлерді құттықтады.
Қазақстанда жылда бұл күні қарттарымыздың ғұмыр бойы істеген ерен еңбектері мен мемлекетіміздің дамуына қосқан зор үлестерін жоғары бағалап, оларға сый-құрмет көрсетіледі.
Ыбырай Алтынсарин атындағы Арқалық педагогикалық институты оқу орнымыздың ардагерлерін институтымыздың қалыптасуы мен өсіп-өркендеуіне қосқан үлестері үшін ерекше құрметтейді.
Бізге және өсіп келе жатқан өскелең ұрпаққа сіздердің өмір жолдарыңыз өнеге, еңбек жолдарыңыз үлгі. Еңбек жолдарыңызда талай жасты тәрбиелеген,тағылымды,өмірлік тәжірибелеріңізді жоғары бағалаймыз. Сіздер өскелең ұрпақты тәрбиелеуде белсенділік көрсетіп,еңбек еттіңіздер.
Сіздерге ұзақ ғұмыр, зор денсаулық, отбасыларыңызға бақыт,береке тілей отырып мерекелеріңізбен құттықтаймыз!
