СПОРТТЫҚ САЙЫС ҰСТАЗДАР КҮНІНЕ АРНАЛДЫ
Ұлағат иелерінің төл мерекесі қарсаңында Қызылордада техникалық және кәсіптік білім беру ұйымдарының қызметкерлері арасында тоғызқұмалақ, шахмат, үстел тенисі ойындарынан облыстық жарысы болып өтті.
Жарыстың салтанатты ашылу рәсіміне Қызылорда облысы білім басқармасының кәсіптік білім бөлімінің басшысы Есенбаев Бекжан және Қызылорда облыстық білім және ғылым қызметкерлері кәсіподақ ұйымы төрағасының орынбасары Өтегенова Нұргүл қатысып, жарысқа қатысушы ұстаздарды төл мерекелерімен құттықтап, сәттілік тіледі.
Спорттық шарада 14 техникалық және кәсіптік білім беру ұйымынан 130 ға жуық астам ұстаз бақ сынады. Бұқаралық спортты дамыту, салауатты өмір салтын қалыптастыруды мақсат еткен шара арқылы техникалық және кәсіптік білім беру ұйымдары оқытушылары арасында өзара қарым-қатынас нығайып, жақсы тәжірибе алмасу үдерісі орын алды.
Спорттың әр түрінен жеңіске жеткен командалар спорт түрлері бойынша Қызылорда облысының білім басқармасының және Білім қызметкерлері кәсіподағының естелік медальдарымен және арнайы дипломдарымен марапатталады. Сонымен қатар 2023 жылы өткізілетін «Техникалық және кәсіптік, орта білімнен кейінгі білім беру ұйымдарының педагогтары арасында республикалық спартакиадасына жолдама табыс етілді.
Қызылорда облыстық білім және ғылым
қызметкерлері кәсіподақ ұйымы
