Аумақтық ұйымдардың жаңалықтары

Батыс Қазақстан облыстық білім және ғылым қызметкерлері кәсіподақ ұйымының құрамындағы кәсіподақ комитеті – Филиалдары мен оның құрымындағы бастауыш кәсіподақ ұйымдарында жыл сайын қыркүйек айында өтетін «Еңбек күні» және «Әділ еңбекақы»дүниежүзілік акциясы бойынша іс-шаралар өткізіліп тұрады.

Осы мақсатта, 4 қазан күні облыстық кәсіподақ аппаратының бас мамандары Жаңақала ауданында колледж қызметкерлерімен кездесіп,қарапайым еңбек адамдарының жұмыс орнындағы құқықтарының сақтала бермеуі – көп жағдайда олардың өз құқықтарын толыққанды білмеуінен туындап жататыны, ал кейбір жұмыс берушілердің еңбек заңдылықтарын, соның ішінде ҚР Еңбек кодексінің талаптарын сақтамауы да – көптеген заң бұзушылықтарға әкеліп соғатыны туралы айтып, түсіндірді.

Сонымен қатар, Қазақстандық салалық білім және ғылым қызметкерлері кәсіподағының еңбек қауіпсіздігі мен еңбекті қорғау мәселелері бойынша жинақтары мен «Еңбек даулары, олардың туындау себептері. Келісу комиссиясында еңбек дауларын шешу тәртібі»әдістемелік ұсынымдары таныстырылып, олардың электрондық нұсқасы таратылды.

Білім беру мекемелеріндегі жұмыс берушілер кәсіподақ комитетімен бірлесіп, ұжымдағы қызметкерлердің әлеуметтік еңбек мәселелерін шешу, материалдық көмек көрсету, марапаттау, республикалық және өңірлік шипажай кешендерінде сауықтыру мен спорттық – көпшілік шараларды ұйымдастыру арқылы ұжымдағы бірлікті және жағымды моральдық – психологиялық ахуалды нығайту бойынша әлеуметтік әріптестікті дамытуға өз үлестерін қосуда. Бастауыш кәсіподақ ұжымымен кездесу барысында колледж директоры Самат Ермеккалиев 2021 – 2023 жылдарға арналған ұжымдық шарттың талаптарының орындалуы үнемі қадағаланып, ондағы үнемдеу есебінен ұзақтығы 6 күн болатын жыл сайынғы ақылы қосымша еңбек демалысы еден жуушылар мен жұмысшыларға берілетіні, ал 3 күнжыл сайынғы ақылы қосымша еңбек демалыстары әлеуметтік әріптестік аясындағы салалық келісімге сәйкес, әдістемелік бірлестік жетекшілері мен кітапханашыларға, есепшілерге төленетінін жеткізді. Сондай – ақ, барлық қызметкерлердің жыл сайын тегін медициналық тексеруден өткізілетіні туралы айтылды.

Бүгінгі таңда,білім саласының облыстық кәсіподағының қызметінде еңбек қауіпсіздігі және еңбекті қорғау мәселесі басым бағыттардың бірі - болып табылады. Осы орайда әр білім беру мекемелеріндегі бекітілген жеке еңбек, ұжымдық шарттарда еңбеккерлердің денсаулығы мен жұмысқа қабілеттілігін сақтау басым орында болуы тиіс.Колледждің кәсіподақ төрағасы Хамидолла Тілеубергенов ұжымның жұмыс жасауына барлық жағдай жасалып, еңбек қауіпсіздігіне байланысты өндірістік кеңестің жұмысы бекітілген ішкі еңбек тәртіптемесіне сәйкес ұйымдастырылғанын айтып өтті.

Дөңгелек үстелде кәсіподақ мүшелерінің қойылған сауалдарына жауаптар беріліп, белсенді кәсіподақ мүшелері облыстық кәсіподақ тарапынан Құрмет грамотасымен марапатталып, сыйлықтар табыс етілді.

Батыс Қазақстан облыстық кәсіподақ ұйымы