ТҮРКІ ӘЛЕМІНІҢ ҒЫЛЫМИ КОНГРЕСІ
Türk Eğitim-Sen – Түрік Республикасы білім кәсіподағының ұйымдастыруымен Анталия қаласында осы жылдың 24-27 қарашасы күндері IV Түркі әлемінің халықаралық ғылыми конгресі өтеді.
Қазақстандық білім және ғылым қызметкерлері кәсіптік одағы UAESEB мүшесі ретінде Салалық кәсіподақтың мүшелік ұйымдарының басшыларын, оның мүшелігіндегі ғалымдар мен өкілдерін аталған шараға қатысуға шақырды. Сондай шақыру хат алғандардың бірі – «Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы, тарих ғылымдарының кандидаты, ҚР Тарих және қоғамдық ғылымдар академиясының академигі Қылышбай Сүндетұлы.
Облыстық салалық кәсіподақтың көшбасшысы IV Түрік әлемі халықаралық конферециясының «Педагогика және әлеуметтік ғылымдар саласы» секциясына «Қазақстандағы халық ағарту салaсындағы ұлы тұлғалар» («Kazakistanda halk eğitimi alaninda büyük insanlar») атты баяндамасымен қатысады.
Ғалым әріптесіміздің аталған мақаласында еліміздің білім беру саласына өлшеусіз үлес қосқан КСРО Халық мұғалімдері Құсиын Айтқалиев пен Құмаш Нұрғалиев туралы кеңінен сөз болады.
«Атырау облысы білім және ғылым қызметкерлерінің кәсіптік одағы» ҚБ баспасөз қызметі.
