ҮЗДІК ЖАС МАМАНДАР АНЫҚТАЛДЫ
Мұрын жырау Сеңгірбекұлы атындағы Маңғыстау жоғары педагогикалық колледжінде 2022 жылдың желтоқсан айының 21 мен 26-ы аралығында «Үздік жас маман - 2022» колледжішілік байқауы ұйымдастырылып өткізілді. Байқауға колледждің жас мамандары мен жұмысқа биылғы оқу жылында қабылданған оқытушылар қатысты.
Байқаудың мақсаты: мамандардың өз пәнінің теориялық негізін жетік меңгергенін, бәсекеге қабілеттілігін және мәртебесін арттыру болса, міндеті: Колледжіміздің талантты және шығармашыл жас мамандарын анықтау, оларды кәсіби өсуге ынталандыру, біліктіліктерін арттырып, ғылыми қабілеттілігін жетілдіру және өзіндік дамуына жағдай жасау.
Байқау екі кезеңде өткізілді.
I кезеңде Тестілеу (Жаңартылған білім беру мазмұны бойынша); Пән бойынша жоспарға сәйкес бейне сабақ түсіру; Пән бойынша жоспарға сәйкес сабағына Microsoft Power Point бағдарламасында мультимедиялық (интерактивті) презентация жасау;
II кезеңде Визиттік карточка: Жас маманның электрондық портфолиосы; Педагогикалық жағдай; «5 минутта үйретемін» шебер-сынып ұйымдастыру бөлімдерінде өткізілді.
Байқаудың нәтижесінде I орынға орыс тілі мен әдебиет пәнінің оқытушысы Г.И.Узбекова; II орынға орыс тілі мен әдебиет пәнінің оқытушысы Ж.Х.Хайруллина; III орынға арнайы пән оқытушысы Ж.Е.Асканбаева; «Ізденіммпаз маман» номинациясымен дене тәрбиесі пәнінің оқытушысы Н.О.Қылыш; «Үздік портфолио» номинациясымен дене тәрбиесі пәнінің оқытушысы Б.С.Елемес марапатталды.
Оқытушылар сонымен қатар Кәсіподақ ұйымы атынан бағалы сыйлықпен марапатталды.
Мұрын жырау Сеңгірбекұлы атындағы Маңғыстау жоғары педагогикалық колледжі бастауыш кәсіподақ ұйымы
