САЛА ҚЫЗМЕТКЕРЛЕРІ СПОРТТА БАҚ СЫНАСТЫ
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігі Талдықорған қалалық филиалы білім саласының қызметкерлеріне арнап, спартакиада ұйымдастырды.
Кәсіподақ мүшелері арасында өткен жарыс №14 мектеп- гимназиясында бастау алып, Ш.Уәлиханов атындағы №10 орта мектебінде қорытындысы жарияланды. Дәстүрге айналған спартакиада тоғызқұмалақ пен дойбы ойындарын қамтыды. Үш күнге созылған шараға қаланың 11 мектебінің 70 жуық қызметкерлері қатысып, ұстаздар өзара мықтыларды анықтады.
Жарыстың бас төрешісі Беделхан Оңалбаев шараның өтілу барысына шолу жасап, ұстаздардың белсенділігін ерекше атап өтсе, Оқу-ағарту, бюджеттік ұйымдар, ғылым және жоғары білім қызметкерлері «Жетісу» жергілікті кәсіподағының төрағасы Мэлс Төлепбергенов сөз алып, педагогтардың бос уақытын тиімді өткізу үшін тоқсан сайын спорттың әр түрінен спартакиада ұйымдастырып, жаңа жыл мерекесімен құттықтады.
Командалық есепте тоғызқұмалақтан:
І орынды 14 мектеп – гимназиясы,
ІІ орынды Н. Островский атындағы №8 орта мектебі,
ІІІ орынды Барлыбек Сырттанұлы атындағы №25 орта мектебі иеленді.
Дойбыдан:
І орынды Ш.Уалиханов атындағы №10 орта мектебі,
ІІ орынды Барлыбек Сырттанұлы атындағы №25 орта мектебі,
ІІІ орынды Еркін ауылдық округіндегі мектепке дейінгі шағын орталығы бар №26 орта мектебі еншіледі.
Жеңімпаздарға Талдықорған қалалық кәсіподақ филиалының атынан дипломдар мен бағалы сыйлықтар табысталды.
Айта кетейік, алдағы уақытта білім саласының қызметкерлері арасында волейболдан сынға түсетін болады. Командалық есепте жарыстың қорытындысы 2023 жылдың наурыз айында жарияланады деп жоспарлануда.
Оқу-ағарту, бюджеттік ұйымдар, ғылым және
жоғары білім қызметкерлері «Жетісу» жергілікті
кәсіподағының баспасөз қызметі
