“100 ЖЫЛДЫҚ ЖОЛ: ЖАС ҰСТАЗ – ЖАҢА ДӘУІРДІҢ ТІРЕГІ
Дәл осындай тақырыпты Қазақстан ұстаздары кәсіподағының 100 жылдық мерейтойына арналған ерекше ауқымды шара – жас ұстаздардың жазғы лагері биыл Семей өңіріндегі көрікті Алакөл демалыс аймағында өтті.
Осы білім мен бірліктің алаңына Батыс Қазақстан облысынан Үміткер Орынғалиев, Мейрамбек Сыдықов, Меңдігүл Мендигарина, Бекболат Нығметжанов арнайы жол тартып, республика ұстаздарымен бірге тәжірибе алмасып, шабытты сәттерге куә болды.
Көк аспанмен астасқан Алакөлдің жағалауында жас ұстаздар пікір алмасып, болашақ білім саласын дамытуға бағытталған тың идеяларды ортаға салды. Шеберлік сағаттары, ашық пікірталастар, бірлік пен жігерге толы тимбилдингтер – бәрі де жаңа көзқарас, жаңа леп сыйлады.
БҚО атынан барған педагогтеріміз Қазақша.QUIZ интеллектуалдық ойынын ұйымдастырып, 16 облыс пен 3 қаланың жас ұстаздары қатысты.
Батыс Қазақстан облысы өткізген ойыннан бас жүлдеге Шығыс Қазақстан облысының командасы үздік атанды.
Ұстаздар үшін бұл — әдеттегі лагерь емес, ұстаз жүрегін жаңғыртқан рухани мекен болды.
Төрт бірдей ұстазымыз өңір атынан абыроймен қатысып, өз ісінің шеберлерімен етене араласып, тың серпінмен оралды.
📚 Ұстаз – қоғамның тірегі.
👩🏫 Жас ұстаз – келешек көшбасшысы.
🕊️ Ұстаздар кәсіподағы – сенімді қорған, кәсіби серік.
Білімге деген шексіз құлшыныс пен елге деген сүйіспеншілік осы лагерьде айқын сезілді.
Осы керемет мүмкіндік үшін Қазақстан оқу-ағарту, ғылым және жоғары білім қызметкерлері кәсіподағының төрағасы Айгүл Мақсатқызы мен ұйымдастырушыларға және БҚО оқу-ағарту, ғылым және жоғары білім қызметкерлері кәсіподағының төрағасы Марат Оразалыұлына
алғысымыз шексіз!
Батыс Қазақстан облыстық кәсіподақ ұйымы
-
Фото
-
