ҚАЛЫҢ ҚАЛАЙ, БАСТАУЫШ ҰЙЫМ!
Шығыс Қазақстан облысы, Самар ауданы «Ж. Болғанбаев атындағы Самар орта мектеп-лицейі» ККМ-де бастауыш кәсіподақ ұйымы «Көңілді старт» ойынын ұйымдастырды. Бұл ойынның түпкі мақсаты – кәсіподақ мүшелерінің арасында салауатты өмір салтын дәріптеу, ұжымдық рухты асқақтатып, бірлікті нығайту.
«Көңілді старт» ойынына мектеп ұжымының белсенді мүшелері қатысып, өздерінің спорттық шеберліктерін, жылдамдықтарын және тапқырлықтарын көрсетті. Жарыс барысында қатысушылар эстафеталық жарыстарға, командалық ойындарға және түрлі сайыстарға қатысты. Ойын барысында әрбір қатысушы өз командасының жеңісі үшін барын салды.
Ойынның бағдарламасы өте қызықты және әртүрлі болды. Қатысушылардың көңіл-күйлері көтеріңкі болып, жарысқа деген ынталары ерекше болды. Әрбір сайыс сайын жанкүйерлердің қолдаулары мен қошеметтері жарысқа қатысушыларға күш беріп, жеңіске жетуге шабыттандырды.
«Көңілді старт» ойынының қорытындысы бойынша барлық қатысушылар жақсы нәтижелер көрсетті. Жеңімпаздар мен жүлдегерлер анықталып, оларға алғыс хаттар мен бағалы сыйлықтар табысталды. Бұл ойын ұжым мүшелерінің арасында жағымды әсер қалдырып, бір-бірімен жақын араласуға мүмкіндік берді.
Кәсіподақ ұйымының ұйымдастыруымен өткен бұл шара ұжымдық рухты көтеріп, салауатты өмір салтын насихаттауға зор үлес қосты. Мұндай іс-шаралардың ұйымдастырылуы мектеп ұжымының ынтымақтастығын арттырып, бірлігін нығайтады.
-
Фото
-
