БАСТАУЫШ ҰЙЫМ ТӨРАҒАЛАРЫНА АРНАЛҒАН СЕМИНАР
Қызылорда қалалық білім қызметкерлері кәсіподақ комитетінің ұйымдастыруымен Б.Шалғынбаев атындағы № 217 мектеп-лицейі базасында «КӘСІПОДАҚ - ХАЛЫҚ ҚЫЗМЕТШІСІ» тақырыбында бастауыш кәсіподақ ұйымы төрағаларына арналған семинар өткізілді.
Семинардың ашылуын Б.Шалғынбаев атындағы № 217 мектеп-лицейінің педагог-психологы Құлмырзаева Ақбота Қожахметқызы «Әлем сізбен тамаша!» атты тренингімен бастады.
Семинар барысында Қызылорда қалалық білім қызметкерлері кәсіподақ комитетінің төрағасы Шамшатова Ануза Аманжолқызы «Құқық және біз» тақырыбында коучинг өткізді. Бастауыш кәсіподақ ұйым төрағалары топ-топқа бөлініп, түрлі сұрақтарға жауап беріліп, жұмыс барысында пайдаланатын нормативтік құжаттар бойынша талқылап, ережелер туралы түсініктеме жасады.
Б.Шалғынбаев атындағы №217 мектеп-лицейінің бастауыш кәсіподақ ұйымы төрағасы Жангисиева Салтанаттың кәсіподақ қызметінің негізгі бағыттары бойынша жүргізілген жұмыстардың жылдық есебін беру алгоритмімен таныстырды.
С.Толыбеков атындағы №3 IT мектеп-лицейі бастауыш кәсіподақ ұйымының төрағасы Бекенова Гулсара бастауыш кәсіподақ ұйымы арасында мониторинг жүргізілуінің бағалау критерийлерін таныстырды.
“КӘСІПОДАҚ - ХАЛЫҚ ҚЫЗМЕТШІСІ” тақырыбындағы бастауыш кәсіподақ ұйымы төрағаларына арналған семинарында қалалық кәсіподақ ардагері Орынша Міржақыпқызы кәсіподақтың дамуына үлес қосып жүрген кәсіподақ мүшелерін «Әлеуметтік әріптес»төсбелгісімен, «Білім және ғылым қызметкерлерінің сіңірген еңбегі үшін»төсбелгісімен және салалық кәсіподақтың Құрмет грамотасымен марапаттады.
«Jas Orda» жастар кеңесінің төрағасы Жұмабек Дінмұхаммедтің жүргізуімен «Қош келдің, Наурыз!» наурыз мерекелік іс шарасы өткізілді. Ұлттық дәстүрлерімізді дәріптеуде «ӘЖЕЛЕР» ансамблінің «ауылдың алты ауызы» ретінде ән шашумен бастап, келген қонақтардан «қонақ кәде» сұрауы мерекелік шараның көркін келтірді.
Бүгінгі семинарда білім беру мекемесіндегі кәсіподақ жұмысын жетілдіруде, құқықтық сауаттылықты арттыруда үздіксіз білім алудың тиімді тәсілдерін пайдалануды, сапалы жоспарлаудың, ұйымдастырудың аясында жүргізілген жұмыстармен танысып, кәсіби қарым-қатынас құзыреттілігін дамытуды үйреніп, өзара тәжірибе алмасты.
-
Фото
-
