ҚҰҚЫҚТЫҚ СЕМИНАР ӨТТІ
Солтүстік Қазақстан облысы оқу-ағарту, ғылым және жоғары білім қызметкерлерінің жергілікті кәсіподағының ұйымдастыруымен «Еңбек және салалық заңнамалардың бірқатар сұрақтары» тақырыбындағы кезекті семинар Тимиряз ауданында өтті.
Бұл жиынға Тимиряз ауданындағы бастауыш кәсіподақ ұйымдарының төрағалары қатысты.
Семинар жұмысын ашу барысында аудандық кәсіподақ төрағасы А.Анапьянова өткен 2024 жылы аудандағы бастауыш кәсіподақ комитеттерінің атқарған жұмыстары және кәсіподақ мүшелеріне ұжымдық шарттарға енгізілген өзгерістер мен толықтырулар туралы мәлімет берді.
Облыстық кәсіподақ комитетінің құқықтық сұрақтар бойнша бас маманы А.Тасымова көшпелі семинар барысында қатысушыларға еңбек заңнамасындағы жаңашылдықтар, оларды іске асыру жолдары, еңбек дауларын шешу мәселелері бойынша тәжірибелік кеңестер берді.
Семинар-кеңес соңында қатысушылар сұрақтарына жауап алып, пікір алмасты. Қатысушылар көтерілген мәселелердің өзектілігі мен маңыздылығын белгілеп, алған білімдері мен тәжірибелерін өз ұжымдарында тарататындарын жеткізді.
-
Фото
-
