ҮЗДІК ПЕДАГОГ – КӘСІПОДАҚ КӨШБАСШЫСЫ
Жаңа Қазақстанның жарқын болашағы білімді ұрпақ қолында, ал білімді ұрпақ тәрбиелеу ұстаздар қауымының басты мақсаты.
Осы мақсатты айқындай отырып «Оқушылар сарайының» ғылыми - әдістемелік жұмыс жоспарына сәйкес 16.01.2025 білім беру ісінің құрметті қызметкері, үздік арнайы пән оқытушысы, үздік педагог, педагог-зерттеуші, кәсіби білім беруге арналған оқулық авторы, қосымша білім беру педагогы, ұжымның бастауыш кәсіподақ ұйымының төрағасы Мұратова Батис Алпысбайқызының іс-тәжірибесі мен еңбек жолына арналған «Дара жол» бағдарламасы болып өтті.
Бағдарлама жүргізушісі Б.Маңғыбаева қонақтармен ашық сұхбат құрды.
Бағдарлама қонақтары білім басқармасының техникалық және кәсіптік білім бөлімінің басшысы Ж.Сармурзина ізгі тілегін білдірсе, Салалық кәсіподақтың Маңғыстау облыстық ұйымының ұйымдастыру қызметі жөніндегі маманы А.Аманиязова ұстаз еңбегіне алғыс білдіріп, шипажайға жолдама сертификатын табыстады. Маңғыстау энергетикалық колледжі директорының орынбасары М.Ізмұхамедов кеш кейіпкерінің қайталанбас ұстаздық қызметі туралы естіліктер қозғады.
Ұжым 100 пайыз кәсіподақ мүшелігінде. Шара барысында ұстаздың әлемдік, халықаралық деңгейдегі сарапшы Т.Алкувадова сынды бір топ шәкірттері жүрек жарды тілектерін жеткізді.
Кеш сонында жас мамандар ұстаздың ұлы жолына үлгі аларлық өнегесі үшін алғыстарын білдірді.
Маңғыстау облыстық кәсіподақ ұйымы.
-
Фото
-
