«ҰСТАЗ АТЫ - БИІК ӘРІ МӘҢГІЛІК»
Желтоқсанның 27-сі күні Ақтау қаласында Н.Оңдасынов атындағы №5 мектепте «Ұстаз аты - биік әрі мәңгілік» атты мерекелік кеш ұйымдастырылды.
Мектеп директоры А.Райымбердиеваның зейнет жасына толуына байланысты «Дара жол» бағдарламасы аясында өткізілген шара «Жалынды жастық шақ», «Кәсіби өрлеу кезеңі, «Отбасым-бақыт мекенім» атты үш бөлімнен тұрды.
Шараның мақсаты – тұлғаның кәсіби қызметіндегі біліктілігін таныстыру арқылы жас ұрпаққа үлгі көрсету.
А.Раймбердиева педагог – шебер, білім беру ісінің үздік қызметкері, Ы.Алтынсарин төсбелгісінің иегері, кәсіби білікті маман.
Шарада ұстаздың шәкірттері оның саладағы ерекше еңбектері мен тәрбие-білім берудегі ерекшеліктерін жеткізсе, ұжымдастары әріптесінің қарапайымдылығы мен іскерлігін атап өтті, ал сыныптастары мен студенттік шақтағы құрбылары балалық, студенттік кезеңдерін мақтанышпен айтып берді.
Жиында кәсіподақ ұйымының өкілдері мектеп директорының әлеуметтік әріптестік бағытындағы белсенділігі, кәсіподақ қозғалысын дамытуға қосқан үлесі мен жетістіктеріне Алғыс білдіріп, облыстық кәсіподақ ұйымы атынан Алғыс хат пен шипажайға жолдамасын, қалалық кәсіподақ ұйымының сыйлық сертификатын табыстады.
Салтанатты шара білім алушылардың хорымен өз мәресіне жетті.Кеш қонақтары алғыстарын айтып, жақсы көңіл-күйде тарқасты.
Ақтау қалалық кәсіподақ ұйымы
-
Фото
-
