ҰЛАҒАТТЫ ҰСТАЗДЫҢ ЕҢБЕГІ ЕЛЕНУДЕ
Марқабаева Бақыт Хайдарқызы Семей қаласындағы Н.К.Крупская атындағы педагогикалық институтының физика және математика факультетін 1989жылы аяқтады. Еңбек жолын 1989 жылы Ақсу ауданы, Көкөзек ауылындағы орта мектепте математика пәнінің мұғалімі болып бастаған. Қазіргі таңда Жетісу облысы, Талдықорған қаласындағы «Оқушылар сарайында» әдіскер және «Жас математик» үйірмесінің жетекшісі болып қызмет атқарып келеді.
Бақыт Хайдарқызы еңбек жолында талай жетістіктерге жетіп, жеткіншектері халықаралық, республикалық байқауларға қатысып, жеңімпаз атанып келеді. Бақыт Хайдарқызы өз бойындағы еңбекқорлығымен, білім беруге деген адалдығымен, жаңашылдығымен, ұйымдастырушылық қабілетімен, жауапкершілігімен ерекшеленеді.
Бахыт Хайдарқызының көпжылдық еңбегі еленіп, Қазақстандық оқу-ағарту, ғылым және жоғары білім қызметкерлерінің салалық кәсіптік одағының «Кәсіподақ ардагері» төсбелгісімен марапатталды. Бастауыш кәсіподақ ұйымының төрайымы ретінде өз жұмысын тиянақты, үлкен жауапкершілікпен атқарады.
Бахыт Хайдарқызы өз ұжымында кәсіподақ жұмысын белсенді атқарып, әріпестеріне әрқашанда көмек көрсетуден аянбайтын сыйлы әріптес. Адал еңбегіңізге алғыс айтамыз!
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ
