«ПЕДАГОГИКАЛЫҚ ИДЕЯЛАР ПАНОРАМАСЫ» ҚОРЫТЫНДЫЛАНДЫ
Астана қаласында «Педагогикалық идеялар панорамасы» республикалық бейне-сабақтар мен бейне-дәрістер байқауының өңірлік кезеңі қорытындыланды.
Іс-шараны Астана қаласы бойынша кәсіби даму институтының «Өрлеу» БАҰО АҚ филиалының басшысы А. Бекіш ашты.
Байқау Республика деңгейінде Оқу-ағарту министрлігінің қолдауымен 2018 жылдан бері дәстүрлі түрде ұйымдастырылып келеді.
Байқаудың мақсаты – түрлі деңгейдегі білім беру ұйымдары қызметкерлерінің аспаптық және пәндік сауаттылықты дамыту бойынша заманауи оқыту технологиялары мен әдістемелерін, озық педагогикалық идеяларын таныстыру және тарату болып табылады.
Астана қаласының Білім басқармасының, Әдістемелік орталықтың және Астана қаласының білім беру қызметкерлері Кәсіподағының өкілдері байқауға қатысушыларға жылы лебіздерін білдіріп, жеңімпаздарды марапаттады.
Үздік нәтиже көрсеткен жеңімпаздар республикалық кезеңге қатысуға жолдама алды.
