Аумақтық ұйымдардың жаңалықтары

Ақмолдаева Құндыз Ұзақбайқызы - білім саласында 20 жыл көлемінде бастауыш кәсіподақ ұйының төрайымы қызметін атқарып келе жатыр. Құндыз Ұзақбайқызы ұжым арасында да беделді әріптес. Ізденімпаз, жаңашыл мұғалім ретінде атқаратын жұмыстарына нақты мақсат қоя білетін шығармашыл, мәдениетті, креативті ұстаз. Өзара түсіністік, көмек қолын қолын созу және сыйластық пен құрмет арқасында ұжым ішінде тұтастық бірлік орнаған. Табиғат аясында серуенге шығу, спорттық шаралар, флешмобтар, қызметкерлер мен педагогикалық еңбек ардагерлеріне арналған мерекелік іс-шаралар, көптеген игілікті істер Құндыз Ұзақбайқызының қатысуымен ұйымдастырылады және өткізіледі.

Ол 2024 жылдың қаңтар айынан бастап Талдықорған қаласы, «Ынтымақ ауылындағы №30 орта мектеп» коммуналдық мемлекеттік мекемесінде жұмыс істейді. Педагогикалық өтілі 32 жыл. Жас ұрпақты жаңа заман талабына сай білім нәрімен сусындатып, болашаққа нық қадам басуына жол сілтейтін бірде - бір тұлға аяулы ұстаздар емес пе? Кундыз Узахбаевна - заман талабына сай үнемі даму үстінде және де өз шығармашылығын дамытып отыратын іздемпаздықпен жұмыс жасайтын ұстаздардың бірі. Еліміздің ертеңі мен болашағы бүгінгі күнгі жастардың қолында, ал осы жастарды білім нәрімен сусындатып отырған ардагер ұстаздың еңбегі орасан зор. Ардагер ұстаздың жақсы, сапалы білім бергенінің нәтижесінде жыл сайын түлектері өздерінің қалаған жоғары оқу орындарына оқуға түсіп, маман иесі болып жатқандығын білеміз.

Кәсіподақ көшбасшысының табанды еңбегінің арқасында Қазақстандық Оқу-ағарту, ғылым және жоғарғы білім қызметкерлерінің салалық кәсіподағының «Білім және ғылым қызметкерлерінің кәсіподағына сіңірген еңбегі үшін» төс белгісімен марапатталған. 20 жыл көлемінде бастауыш кәсіподақ ұйының төрайымының еңбегі еленіп «Қазақстандық Оқу-ағарту, ғылым және жоғарғы білім қызметкерлерінің салалық кәсіптік одағы» ҚБ-нің 100 жылдығына орай «Кәсіподақ ардагері» төс белгісімен марапатталды.

Құндыз Ұзақбайқызының бұл марапаты көп жылдар бойы білім ошағындағы аянбай еңбек еткен, еңбегінің жемісі деп білеміз. Осындай мықты ұстазымызбен біз әрқашан мақтанамыз!

«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің Талдықорған қалалық филиалы