МҰҒАЛЖАРДА КІТАПХАНАШЫЛАР МАРАПАТТАЛДЫ
Ақтөбе облысының Мұғалжар ауданындағы жалпы білім беретін орта білім беру ұйымдарының мектеп кітапханашыларына арналған
“Кітапхана - шығармашылық әлемі” тақырыбында семинар ұйымдастырылды.
Семинардың мақсаты — кітапханашы мәртебесін көтеру, шығармашылық тәжірибелермен бөлісу.
Семинардың ашылуында аудандық білім бөлімінің әдіскері Жанат Жайбергенова мен №5 Қандыағаш қалалық жалпы білім беретін мектебінің директоры Сапар Бердібеков сөз сөйлеп, кітапханашыларды құттықтады.
Шара барысында мектеп психологі Жанар Жұмаханқызы қатысушылардың қарым-қатынасын нығайту үшін психологиялық эмоционалды атмосфераны жақсарту мақсатында психологиялық тренинг өткізді.
Семинарда Роза Абитова , Венера Алданова, Құралай Ниязова, Дилназ Әменова , Айсұлу Мұқанова өз тәжірибелерімен бөлісіп, кітапхана саласына байланысты замануи әдіс- тәсілдерін көрсетті.
Шара соңында Мұғалжар ауданының білім бөлімінің басшысы Бахраман Аманжол кітапханашыларды төл мерекесімен құттықтап, семинарға үлес қосқан мамандарды Алғыс хатпен марапаттады. Сонымен қатар, аудандық білім қызметкерлері кәсіподақ ұйымының төрағасы Жұмагүл Жұмабаева кітапхана саласында ұзақ жыл еңбек еткен кітапханашыларды Алғыс хатпен марапаттап, бағалы сыйлықтар мен шипажайға жолдамалар табыстады.
-
Фото
-
