ОБЛЫСТЫҚ «КӘСІПОДАҚ БАРЫСЫ» ТУРНИРІНДЕ БАЛУАНДАР БАҚ СЫНАСТЫ
2024 жылдың 15 қазан күні Маңғыстау облысының Түпқараған ауданы, Ақшұқыр балалар - жасөспірімдер спорт мектебі базасында қазақ күресінен «Кәсіподақ барысы» турнирі өтті.
Турнирге 2 қала, 4 ауданнан балуандар қатысты. Ережеге сәйкес турнир - 90 және +90 салмақта өткізілді.
Турнир қорытындысы бойынша - 90 және +90 салмақта ІІІ орынды Бейнеу ауданы балуаны Сұңғат Жолмұратов, ІІ орынды Мұнайлы ауданы балуаны Бисенбай Сәрсенов иеленсе, осы салмақта турнир жеңімпазы атағын Жаңаөзен қаласының балуаны Жәнібек Қаржаубаев иеленді.
+ 90 салмақта ІІІ орынды Бейнеу ауданы балуаны Нұрсұлтан Папацу, ІІ орынды Ақтау қаласы балуаны Ерлан Серіков иеленсе, осы салмақта турнир жеңімпазы атағын Түпқараған ауданы балуаны Заманбек Ходжаназар иеленді.
Турнир жүлдегерлері мен жеңімпаздарын Қазақстандық оқу-ағарту және жоғары білім қызметкерлерінің салалық кәсіптік одағының Маңғыстау облыстық ұйымының төрағасы Тарбия Анайбекқызы Баймбетова марапаттады.
Турнир жеңімпаздары арнайы белдікпен және 31 қазан күні Тараз қаласында, Салалық кәсіподақтың 100 жылдық мерейтойы аясында өтетін Республикалық «Кәсіподақ барысы» турниріне жолдама алды.
Балуандарымызға сәттіліктер тілейміз!
Салалық кәсіподақтың Маңғыстау облыстық ұйымы
-
Фото
-
