УНИВЕРСИТЕТТЕГІ СПОРТ ДОДАСЫ
1 қазан – Қазақстан Республикасының жоғары білім қызметкерлері күні.
Биыл алғаш тойланған мерекеге орай ағымдағы жылдың 2-9 қазаны аралығында Махамбет Өтемісов атындағы Батыс Қазақстан университетінде жоғары оқу орнының әкімшілігі мен бастауыш кәсіподақ ұйымының ұйымдастыруымен профессор-оқытушылар құрамы мен қызметкерлері арасында спорттың шағын футбол, волейбол, асық ату түрлерінен сайыс өткізілді.
Шараның мақсаты – профессор-оқытушылар құрамы мен қызметкерлер арасында ұжымдық рухты нығайту, салауатты өмір салтын насихаттау.
Сайысқа түскен 9 команда арасындағы бір аптаға созылған тартысты ойындардың нәтижесінде жүлделі орын иелері анықталды. Шағын футболдан жүлделі 1 орынды әкімшілік құрамасы, 2 орынды педагогика факультеті, 3 орынды филология факультеті иеленді. Волейболдан 1 орынды физика-математика факультеті, 2 орынды шаруашылық бөлімі, 3 орынды педагогика факультеті қанжығаларына байлады. Асық ату түрі бойынша командалар арасында жүлделі 1 орынға физика-математика факультеті, 2 орынға шаруашылық бөлімі, 3 орынға педагогика факультеті ие болды. Сондай-ақ әрбір сайыс түрі бойынша жекелеген номинациялар бойынша үздік ойыншылар анықталды.
Жүлделі орындарға ие болған командалар мен үздік ойыншылар арнайы дипломдармен және бастауыш кәсіподақ ұйымының атынан бағалы сыйлықтарымен марапатталды.
Мұндай сайыстар университеттегі ұжым мүшелерінің ынтымағы мен салауатты өмір салтын ұстануға, спортқа деген қызығушылықтарын арттырары сөзсіз. Жеңімпаз атанғандарды құттықтай отырып, университет басшылығы барлық қатысушыларға зор алғысын білдірді.
-
Фото
-
