МЕРЕКЕЛІК ШАРА МҰҒАЛІМДЕР КҮНІНЕ АРНАЛДЫ
Мұғалімдер күніне арналған «Ұстаз деген-жарық күні ғаламның!» тақырыбында салтанатты шара өткізілді. Мерекелік шараға Талдықорған қалалық білім беру саласының қызметкерлері мен ардагер-ұстаздар қатысты.
Салтанатты шарада «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің төрағасы Мэлс Құлмұханұлы Төлепбергенов ұстаздарды құттықтап, жылы лебізін білдірді. Кәсіподақ ұйымдары ұсынған үздік ұстаздар Қазақстандық оқу-ағарту, ғылым және жоғары білім қызметкерлерінің салалық кәсіптік одағының «Білім және ғылым қызметкерлерінің кәсіподағына сіңірген еңбегі үшін», «Кәсіподақ ардагері» төсбелгілерімен марапатталды.
Ардагер-ұстаз Болат Қаметұлы Тұрысбеков ұстаздарға еңбек жолында шығармашылық жетістіктерге жетуіне тілек білдірді. Талдықорған қаласының білім бөлімінің басшысы м.а. Шынар Жусиповна Шарипбаева мектептер рейтингі және қалалық байқауларының жеңімпаздарын құттықтап, марапаттады. Шара мерекелік концертпен аяқталды.
«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы
-
Фото
-
