ОЙЫН АЛАҢЫНДА - ҰСТАЗДАР
«Ұстаздар күні» мерекесі және Қазақстандық оқу-ағарту, ғылым және жоғары білім қызметкерлері салалық кәсіподағының 100 жылдығына арналған білім қызметкерлері салалық кәсіподағының мүшелері арасында БҚО, Жәнібек ауданында волейболдан аудандық турнир өткізілді.
Турнирге 14 бастауыш кәсіподақ ұйымынан командасынан 115 адам қатысты.
Турнирдің ашылу салтанатына аудан әкімінің орынбасары Мирболат Бисенов, аудандық білім беру бөлімінің басшысы Асхат Молдағалиев «Жәнібек» спорт клубының директоры Бекжан Нигметов және аудандық кәсіподақ комитеті – Филиалының төрағасы Маркс Меңдіғалиев қатысты. Аудан әкімінің орынбасары Мирболат Бисенов қатысушыларды құттықтап, ойынға сәттілік тіледі.
Жеребе тартылып командалар үш топқа бөлініп, ойындар өте тартысты да қызықты өтті. Әр топтан бір жеңімпаз командалар финалдық ойындарға жолдама алды.
Турнирдің «Үздік қорғаушы» аталымына «Жәнібек» колледжінің оқытушысы Губайдуллин Нұрлыбек, «Үздік тосқауылшы» атағына Е.Ниетқалиев атындағы АӘТД пәнінің оқытушысы Гумаров Мерлан, «Үздік шабуылшы» аталымына Т.Жароков ат. физика пәнінің мұғалімі Марданов Аяби ие болды. Турнирде үздік ойын көрсеткен ойыншыларды аудандық білім беру бөлімінің басшысы Асхат Молдағалиев марапаттады.
Командалық есеп бойынша
ІІІ орынды Е.Ниетқалиев атындағы ЖОББМ командасы,
ІІ орынға «Жәнібек» колледжінің командасы ие болып,
Турнирдің жеңімпазы Т.Жароков ат. ЖОББМ командасы атанды. Турнирдің жүлдегерлерін аудан әкімінің орынбасары Мирболат Бисенов марапаттады. Турнирдің үздік ойын көрсеткен ойыншыларға және жеңімпаз командаларға аудандық кәсіподақ ұйымының атынан медаль, кубок, диплом және бағалы сыйлықтар және сертификаттар табыс етілді.
-
Фото
-
