КӘСІПОДАҚ ТЫНЫСЫ
Шығыс Қазақстан облысы жергілікті кәсіподағының өкілдері жұмыс сапарымен Самар ауданында болды. Сапар бірнеше іс-шаралардан тұрды:
1) ШҚО жергілікті кәсіподақ ұйымының төрағасы Н.Қасенова Самар ауданы бойынша білім бөлімінің басшысы Р.Закирьянова және аудандық кәсіподақ төрағасы С.Демесіновпен кездесіп, әлеуметтік әріптестік аясында атқарылып жатқан жұмыстарды талқылады.
2) Жұмыс сапары аясында «Ж.Болғанбаев атындағы Самар орта мектеп-лицейі» КММ базасында ауданның бастауыш кәсіподақ төрағаларымен «Кәсіподақтағы ақпараттық жұмыс» атты көшпелі семинар өтті.
Ақпараттық жұмыстың негізгі мақсаты - кәсіподақ қызметіне жәрдемдесу, кәсіподақ қозғалысын нығайту және дамыту, оның қоғамдағы беделін арттыру болып табылады.
Семинар барысында кәсіподақ сайттары, әлеуметтік желідегі парақшалары және жалпы осы парақшаларға қалай басылымдарды жіберіп, орналастыру мен фото-видео материалдардың сапасы туралы айтылды. Толығырақ ШҚО жергілікті кәсіподағы жылдам жауап беру коды (QR-код) арқылы кәсіподақ активіне көмекші құрал ретінде электрондық түрдегі материалдар жинақтағаны туралы мәлімет берді. Қосымша әр-түрлі бағыттар бойынша ақпарат алды: марапаттау, сауықтыру және т.б.
Семинар соңында кәсіподақ бұрышына орналастыру үшін және төрағаларға көмек ретінде «Кәсіподаққа қалай кіруге болады?», «Кәсіподақтың әрбір мүшесінің мүмкіндігі», «2024-2026 жылдарға арналған Салалық келісім» т.б. парақшалар таратылып, үлкен қызығушылық танытты.
3) Самар ауданы білім саласында жұмыс атқаратын қарапайым еңбек адамдарын марапаттау рәсімі өтті. Осы іс-шараға қатысқан жергілікті кәсіподақ төрағасы Н.Қ асенова қызметкерлерді мерекемен құттықтап, ерен еңбектері үшін алғысын білдіріп, «Еңбек адамы» төсбелгісін табыстады. Атап айтқанда, Абай атындағы орта мектебі қызметкері Кеңесбаева Мархаба Биғалиқызы және Аққала мектеп-балабақша кешенінің қызметкері Боқаева Алмагүл Мүбаракқызы. Өзге еңбек адамдарына білім бөлімі басшысы Р.Закирьянова мен аудандық кәсіподақ ұйымының төрағасы С.Демесінов көп жылдық үздіксіз қызметтері үшін Алғыс хаттар мен сыйлықтар табыстады.
Осыған орай «Ж.Болғанбаев атындағы Самар орта мектеп-лицейі» КММ оқушылары мен қызметкерлері мерекелік құттықтау ұйымдастырды.
-
Фото
-
