БЕЛСЕНДІ ӘЛЕУМЕТТІК ӘРІПТЕС
Шолтанова Зарипа Есенбайқызы – отыз жылдан астам Маңғыстау өңірі білім саласында еңбек етіп келе жатқан ұлағатты ұстаз. Еңбек жолын 1991 жылы Құрық кенті №1 орта мектебінде қарапайым оқытушылықтан бастаған Зарипа Есенбайқызы қазір Маңғыстау облысындағы беделді оқу оқу орны - Х.Өзбекғалиев атындағы Маңғыстау жоғары политехникалық колледжінің басшысы.
Ағылшын тілі пәні оқытушысы, топ жетекшісі, тәрбиеші, жастар ісі комитетінің инспекторы, гуманитарлық пәндер бірлестігінің жетекшісі, басшының ақпаратттық технологиялар жөніндегі орынбасары, колледж басшысы қызметінде білімді, білікті жетекші.
Педагогикалық еңбек барысында өз пәнін жетік меңгерген, қоғамдық жұмыстарға белсенді араласатын, жауапкершілігі мол, техникалық және кәсіптік білім беру саласында 30 жыл үзбей еңбек етіп келе жатқан - Зарипа Есенбайқызының еңбек жолдарында Қазақстан Республикасы Білім Министрі Алғыс хаты, Құрмет грамотасы, Қазақстан Республикасының Білім беру ісінің құрметті қызметкері төс белгісімен және «Қазақстандық салалық білім және ғылым қызметкерлері кәсіптік одағының Маңғыстау облыстық ұйымы» ҚБ, «Қазақстандық салалық білім және ғылым қызметкерлерінің кәсіптік одағы» қоғамдық бірлестігінің Құрмет грамоталарымен марапатталып, қажырлы еңбегі лайықты бағаланған. Білім берудегі қол жеткізген жетістіктері мен нәтижелі еңбегі және кәсіподақ қоғалысында белсенді әлеуметтік әріптес ретінде де қолдау көрсетіп келеді.
Салалық кәсіподақтың Маңғыстау облыстық ұйымы
