ЖАСТАР КЕҢЕСІНІҢ БЕЛСЕНДІ МҮШЕЛЕРІ БАҚ СЫНАСТЫ
Кәсіподақтың негізгі бағыттарының бірі – жастармен жұмыс. Облыстық кәсіподақ ұйымы жас педагогтарды қолдау мақсатында аудандық, қалалық филиалдармен бірлесіп, түрлі форматта шаралар ұйымдастыруда.
Осындай шараның бірі ағымдағы жылдың 26-27 қыркүйек күндері өткен «Жайдарлы жайдарманда Жетісу жастары» атты көңілді тапқырлар жарысы.
Кәсіподақ ұйымдары жанынан құрылған Жастар Кеңесі жұмысының мақсаты - өңірлердегі жас педагогтар арасындағы өзара байланысты нығайту.
Осы уақытқа дейін Көксу, Алакөл, Қаратал, Кербұлақ, Панфилов аудандарында, Текелі қаласында ұйымдастырылған түрлі шаралар жастарды туған өлкесінің табиғатын тамашалауға, дәстүрін құрметтеуге және ұмыт болып бара жатқан мәдени мұраларды қайта жаңғыртуға бағытталған.
Көңілді тапқырлар жарысында жүлделі 1 орынды Көксу ауданының «Көксу жастары» командасы жеңіп алса, 2 орынды Панфилов ауданының «Феномен» командасы, 3 орынды Кербұлақ жастарының «Антиплагиат» командасы иеленді. Жеңімпаздар бағалы сыйлықтармен марапатталды.
-
Фото
-
