ЖЕТІСУ ҰСТАЗДАРЫ БАЙҚАУДА БАҚ СЫНАСУДА
Ағымдағы жылдың 24-25 қыркүйек күндері Жетісу облысы Әкімінің қолдауымен ұйымдастырылған «Жетісу ұстазы» байқауында шығармашылықпен жұмыс істейтін, талантты, өзіндік авторлық жаңашыл идеясы бар, педагогикалық мәдениеті жоғары ұстаздар бақ сынасуда.
Облыс педагогтарын қолдау мақсатында байқаудың әділқазы мүшесі ретінде «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ төрағасы Мэлс Төлепбергенов қатысты.
Байқауға қатысушы ұстаздар шеберлік сабақтарын өткізіп, өз тәжірибесіндегі жаңаша трендтерді TED форматында демонстрациялауда. Сонымен қатар, «Ұстаз – ұлы есім» фотоэссе турында өздерінің педагогикалық қызметіндегі ерекше сәттерінен фотосерия ұсынды. Байқаудың Бас жүлдесін иеленген ұстазға автокөлік сыйға тартылады.
