КҮРШІМ АУДАНЫНДАҒЫ ТАМЫЗ КОНФЕРЕНЦИЯСЫ
Шығыс Қазақстан облысы Күршім ауданында білім қызметкерлерінің дәстүрлі тамыз конференциясы өтті. Конференцияға аудан әкімі А.Т.Ақышов, білім бөлімінің басшысы Б.Б.Елеубаев, кәсіподақ ұйымының төрағасы Г.А.Мұкышева, мектеп директорлары, мұғалімдер, бастауыш кәсіподақ ұйымдарының төрағалары қатысты.
Шара барысында 2024-2025 оқу жылына бағыт-бағдар беріліп, үздіктер анықталды. Білім саласының үздіктері аудан әкімінің грамотасымен, білім бөлімі басшысы мен кәсіподақ ұйымы төрағасының бірлескен грамоталарымен марапатталды.
Жаңа оқу жылына дайындығы жоғары деп танылған үш мектеп: «Ю.Гагарин атындағы №1 Күршім орта мектебі» КММ, «№5 Күршім орта мектебі» КММ және «Жолнұсқау негізгі орта мектебі» КММ жүлделі орындарға ие болды.
Аудандағы мектепалды жазғы сауықтыру алаңдары ішіндегі үш алаң: Мөнекей, Қойтас, Барақ батыр негізгі орта мектептері балалардың жазғы демалысын ерекше етіп өткізуді ұйымдастырғаны үшін үздік деп танылып, ақшалай сертификаттарға ие болды.
Білім саласында ұзақ жылдар бойы қажырлы еңбек еткен, кәсіподақ дамуына өз елеулі үлесін қосқан, ауданымыздың құрметті азаматы - Әуесбек Қосамбеков «Кәсіподақ ардагері» медалімен марапатталды.
Аудан әкімі А.Т.Ақышов жиынды қорытындылап, жаңа оқу жылында ұстаздардың ұлағатты істеріне табыс тіледі.
-
Фото
-
