БАСТАУЫШ ҰЙЫМ - БАСТЫ ТІРЕК
26 маусымда Қазақстандық оқу-ағарту, ғылым және жоғары білім қызметкерлерінің салалық кәсіподағының кезекті XV съезі өтеді. Съезге «Өрлеу» біліктілікті арттыру ұлттық орталығы» АҚ филиалы Шығыс Қазақстан облысы бойынша кəсіби даму институтының маманы, бастауыш кәсіподақ ұйымының төрағасы Слямханов Нұржан Слямханұлы делегат болып қатысады.
Нұржан Слямханұлы 1991 жылы Шығыс Қазақстан облысы, Тарбағатай ауданында дүниеге келген. «Қабден Ақынов атындағы орта мектебі» КММ бітіріп, Өскемен қаласындағы техникалық гуманитарлық колледжіне техник-бағдарламашы мамандығына оқуға түсіп, 2011 жылы үздік дипломмен тәмәмдаған. Сол жылы Д.Серікбаев атындағы Шығыс Қазақстан Мемлекеттік техникалық университетіне оқуға түсіп, 2014 жылы аталған университетті бітірді. 2019 жылы ақпараттық технологиялар магистрі дипломына ие болды.
Айта кетсек, «Өрлеу» біліктілікті арттыру ұлттық орталығы» АҚ филиалы ШҚО бойынша кəсіби даму институты 30 жылдан астам уақыт бойы Шығыс Қазақстан облысы білім және ғылым қызметкерлерінің жергілікті кәсіподағының құрамында. Оның басты міндеті өз мүшелерінің құқықтары мен мүдделерін қорғау, осындай әлеуметтік әріптестікті әр жылдары бастауыш кәсәподақ төрағалары іске асырып келді. Қазіргі уақытта осы дәстүрлі қарым-қатынасты Нұржан Слямханұлы жалғастыруда.
Нұржан Слямханұлының көшбасшылығымен кәсіподақ мүшелері үшін қолайлы жағдайлар жасауға бағытталған Ұжымдық шарт жасалды. Өзінің қоғамдық қызметіндегі маңызды мәселелердің бірі кәсіподақ мүшелігін ынталандыру мен кәсіподақ қызметінің тартымдылығы мәселесін қарастырады. Ол үшін бұл тек сөздер ғана емес, сонымен қатар нақты істер жасалды, мысалы институттың техникалық персоналдар үшін Ұжымдық шартқа қосымша демалысқа күндер қосу туралы кепілдіктер кіргізіп, осыдан кейін қызметкерлер кәсіподаққа кіруге тілек білдірді.
Кәсіподақ мүшелерін бейресми түрде біріктіру және корпоративтік мәдениетті дамыту үшін қажет мәдени-бұқаралық және сауықтыру іс-шараларға көніл бөлінеді. 2023 жылы «ШҚО Өрлеу» командасы білім қызметкерлерінің облыстық кәсіподақ спартакиадасына алғаш рет қатысып, тоғызқұмалақ пен волейбол жарыстарда жүлделі орындарға ие болды.
Өрлеу ұжымының әр қызметкерлері үлкен жұмыс атқаруда екенің бәріне белгілі, жыл сайын мыңдаған мұғалімдердің білімдерін арттыруда үлкен жүктеме беріліп отыр. Сондықтан, кәсіподақ ұйымының табиғатта ұйымдастыралатын тимбилдингтер әр кәсіподақ мүшесінің көнілінен шығып өз ризашылықтарын білдіруде.
Ұжымда жалпы көңіл-күйді ұстайтын, эмоционалды атмосфераны құратын, өзара сыйластық жасайтын ол кәсіподақ ұйымының болуы мен кәсіподақ көшбасшысының қалай оны ұйымдастыра білетінің үлкен мәні бар. «Жас келсе-іске» деген, осындай белсенді жастар кәсіподақ қатарында көбейе берсін.
