Аумақтық ұйымдардың жаңалықтары

Лайықты еңбек жылына орай, Маңғыстау облыстық кәсіподақ комитетінің тікелей қызмет көрсететін филиалдары мен бастауыш ұйымдарында Қазақстан Республикасы Еңбек заңнамасының Еңбек қауіпсіздігі және Еңбекті қорғаудың сақталуына қоғамдық бақылауды жүзеге асыру мақсатында, «Облыстық санаторлық мектеп-интернат» коммуналдық мемлекеттік мекемесінде «Асхана жұмысының және балаларды тамақпен қамтамасыз ету» бойынша мониторинг жұмысы жүргізілді.

Қарақия аудандық «Аманат» партиясы филиалының төрағасы Қ.Көшенов, Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымының төрағасы Т.Баймбетова және ата-аналардан құрылған комиссия тобы асхана жұмысының қызметімен түбегейлі танысып шықты.

Оның ішінде: Объектінің қолданыстағы талаптарға сәйкесітігі туралы санитарлық-эпидемиологиялық қорытындының болуы; Тамақ өнімдерінің сапасы, оларды тасымалдау, жеткізу, түсіру шарттары; Күнделікті мәзірдің перспективалық мәзірге сәйкестігі; Асхана жұмыс кестесінің сақталуы; Сыныптар бойынша тамақтану кестесі мен тамақтану арасындағы аралықты сақтау; Еркін мәзірге арналып бекітілген прайс; Ауыз су режимін ұйымдастыру; Дайын өнімнің сапасы; Бақылаудағы тағамның болуы; Дайындалған өнімнің органолептикалық қасиеті; Технологиялық картаға сәйкестігі; 10порцияны бақылап өлшеу, 1тағамды үлестіру желілері(мармит); Тарату жағдайы (ылғалды затты пайдалануға тыйым салынады); Балаларды ыстық тамақпен қамту; Асхананың санитарлық-гигиеналық жағдайы, Тамақ мәзірлері; Ас сақтаушы тоңазытқыштар; Ас қоймасындағы тамақтардың тиісінше орналасуы мен ас қоймасының тәртібі; Ас дайындалатын құрылғылар, тәуліктік тамақ сынамалары, оның өлшемдері, жарамдылық сертификаттары т.б. толықтай таныстырылып, тексеріліп шықты.

Сондай-ақ, сол күнгі ас мәзіріне орай дайындалған түскі тамақпен танысты. Келуші комиссия мүшелеріне таныстыру жұмысын мектеп директоры - М.Шарипова бастап жүргізіп шықты.

Аспаздар мен асхана жұмысымен толық танысып шыққан қадағалаушылардан «Оң» баға берілді.

Асхана жұмысының талапқа сай жасақталғаны, ас сапасы мен ыстық тамақтың тәртіпке сай қамтылуы жоғары қанағаттанарлық деп танылып, ешқандай ескертпе айтылмады.

Комиссия мүшелері аспаздармен танысып, алғыстарын айтып, алдағы уақытта да осы қалыптан таймауларына тілектестік білдіріп, жұмыстарына сәттілік тіледі.

Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымы ҚБ