МЕКТЕП МЕРЕЙІ: ҮЗДІКТЕР МАРАПАТТАЛДЫ
Ақтөбенің Темір ауданында 60 жылдық тарихы бар Қопа жалпы білім беретін мектептің мерейтойы өтті. Оған биылғы мектеп түлектерімен қатар аталмыш білім ордасынан әр жылдары түлеп ұшқан елге есімі белгілі азаматтар, білім ордасының қазіргі қызметкерлері және өзге де меймандар қатысты.
Оқу ордасы алпыс жылда сан мыңдаған түлектерді қанаттандырды. Олардың ішінде қоғам және мемлекет қайраткерлері, ғылым докторлары мен кандидаттары, білім беру саласының үздіктері мен құрметті қызметкерлері де бар. Олардың есімдері мектеп тарихында алтын әріптермен жазылып, бүгінгі буынға үлгі өнеге болуда.
«Сан қыранды самғатқан алтын ұя мектебім» атты салтанатты жиында алпысты еңсерген алтын ұя мектептің осы кезге дейін жеткен әр жетістігі дәріптелді. Мектеп ұстаздарының қажырлы еңбегімен зерек шәкірттердің де бір төбе белді белестері насихатталды.
Айтулы шарада Темір аудандық білім бөлімінің басшысы Азамат Өсербаев, бөлім басшысының сектор меңгерушісі Светлана Қарабалина және аудандық кәсіподақ ұйымының төрағасы Назгүл Сабенова үздік ұстаздарға бірлескен Алғыс хаттар мен шипажайға сертификаттар, бағалы сыйлықтар табыстады.
-
Фото
-
