САМАР АУДАНДЫҚ АТҚАРУ КОМИТЕТІНІҢ ОТЫРЫСЫ
Шығыс Қазақстан облысы білім және ғылым қызметкерлерінің жергілікті кәсіподақ төрағасы Н.Касенова Самар ауданына іссапарға шығып, аудандық кәсіподақ ұйымының комитет отырысына қатысты. Комитет отырысына Самар ауданы білім бөлімі басшысының м.а. Б.Қарибаев, осы отырыс өткен «Ж.Болғанбаев атындағы Самар орта мектеп – лицейі» КММ директоры Б.Богисова, комитет мүшелері және кәсіподақ активі қатысты.
Жиналыс барысында жергілікті кәсіподақ ұйымының төрағасы Н.Касенова кәсіподақ мүшелерінің құқықтық қорғалуы, олардың әлеуметтік тұрғыдан лайықты қамтамасыз етілуі, денсаулығын сақтау, еңбек дауларының алдын алу мен оларды шешу кәсіподақтардың негізгі жұмысы екеніне тоқтала отырып, алдағы жоспарларымен бөлісті. ШҚО білім басқармасы мен Жергілікті кәсіподағының арасында жасалған 2024-2026 жылдарға арналған әлеуметтік әріптестік туралы Келісім шарттың ерекшеліктерін түсіндірді.
Комитет отырысының күн тәртібіндегі келесі сұрақ, ол Самар ауданындағы білім беру ұйымдарының 2024-2026 жылдарға арналған облыстық Келісімді басшылыққа ала отырып Бірыңғай ұжымдық шартына толықтырулар енгізу туралы кәсіподақ төрағасы С.Демесінов таныстырды. Осыған орай, Самар ауданы білім бөлімі мен аудандық кәсіподақ ұйымы салтанатты түрде құжатқа қол қою рәсімін өткізді. Қол қою рәсімінен кейін бастауыш кісіподақ төрағаларға Бірыңғай ұжымдық шартына толықтырудың мазмұнын кәсіподақтың барлық мүшелеріне жеткізуді тапсырсын деп қаулы етті
Шара соңында облыстық кәсіподақ ұйымының төрағасы Н.Касенова аудандық кәсіподақ ұйымының төрағасы С.Демесиновқа, комитет отырысына қатысқан кәсіподақ мүшелеріне жетістіктер тіледі. Жергілікті кәсіподақтың «Еңбек адамы» төсбелгісін кәсіподақ мүшелеріне табыстады.
«Еңбек адамы» төсбелгісімен кәсіподақ мүшелері, жалпы жұмыс өтілі кемінде 30 жыл, оның ішінде бір лауазымда кемінде 25 жыл болып табылатын Шығыс Қазақстан облысы білім беру ұйымдарының педагогикалық емес мамандықтарының қызметкерлері марапатталады.
-
Фото
-
