СПАРТАКИАДА САЛАЛЫҚ КӘСІПОДАҚТЫҢ 100 ЖЫЛДЫҒЫНА АРНАЛДЫ
«Абай облысының кәсіподақ ұйымы» қоғамдық бірлестігінің Ақсуат аудандық кәсіподақ комитеті Салалық кәсіподақтың 100 жылдығына арналған кәсіподақ мүшелері арасында ХІ спартакиадасын өткізді. Кәсіподақ мүшелері арасында өткен ХІ спартакиадада спорттың төрт түрі бойынша тоғызқұмалақ, шахмат, стол теннисінен қыздар, ұлдар арасында , волейболдан аралас командалар сынға түсті . Спартакиаданың ашылуына Ақсуат аудандық білім бөлімінің басшысы А. Қыдырмолдин, Ақсуат ауданының спорт және денешынықтыру бөлімінің басшысы М. Дауренбеков, Ақсуат аудандық кәсіподақ комитетінің төрағасы С.З.Ахметқалиев және бірқатар мектеп директорлары қатысып, құттықтау сөз сөйледі.
Спартакиадаға аудандық білім беру мекемелерінен он үш команда қатыстырылды. Кәсіподақ мүшелері арасында спартакиаданың мақсаты кәсіподақ мүшелері арасында достық қарым қатынасты нығайту, салауатты өмір салтын насихаттау, кәсіподақ мүшелерін спорттық ойындарға тарту тұрғысында ұйымдастырылды.
Кәсіподақ мүшелері арасындағы ХІ спартакиада «К.Нұрбаев атындағы Ақсуат орта мектебі» КММ мен «Қожагелді атындағы орта мектебі» КММ-нің базасында өткізілді, спартакиада командалардың ұйымшылдығы мен қызықты да тартысты өтті.
Спартакиаданың қорытындысы бойынша спорттың жеке түрілері бойынша жеңімпаздар марапатталды және жалпы командалық жеңімпаздар анықталып бағалы сыйлықтармен грамоталармен, кубокпен марапатталды. Жалпы командалық спорттық ойындар бойынша 86 ұпаймен 1 орынды «Қ. Сатпаев Жәнтікей атындағы орта мектебі» КММ жеңіп алды. 79 ұпаймен 2 орынды «К. Нүрбаев атындағы Ақсуат орта мектебі» КММ, 65,5 ұпаймен 3 орынды «Ю.Гагарин атындағы орта мектебі» КММ иеленді, 64 ұпаймен «С.Сейфуллин атындағы орта мектебі» КММ ынталандыру сыйлығымен марапатталды.
Спартакиаданы өткізуге көмек көрсетіп қонақжайлылық көрсеткен үшін К.Нұрбаев атындағы Ақсуат орта мектебіне, Қожагелді атындағы орта мектептерінің ұжымдарына және төрешілік қызмет атқарған, кәсіподақ мүшелеріне аудандық кәсіподақ ұйымы атынан алғыс білдіреміз.
Ақсуат аудандық кәсіподақ комитеті.
Абай облысы.
-
Фото
-
