Аумақтық ұйымдардың жаңалықтары

Үржар аудандық кәсіподақ комитетінде есеп беру-сайлау конференциясы өтті. Конференцияға «Қазақстандық оқу-ағарту,ғылым және жоғары білім қызметкерлерінің салалық кәсіптік одағының «Абай облысының кәсіподақ ұйымы» қоғамдық бірлестігінің төрағасы С.Ибраев, аудандық білім бөлімі басшысының м.а. Шакеев Ержан Тұрсынғазыұлы, педагогикалық еңбек, кәсіподақ қозғалысының ардагері Мусасарин Қанат Мұхтарұлы, ауданның мектеп директолары және кәсіподақ активі қатысты.

Есепті кезеңдегі баяндамамен «Абай облысының Кәсіподақ ұйымы» ҚБ «Үржар аудандық комитеті» филиалының төрағасы Жыңғылбаев Жанболат Жұмаділұлы сөз сөйледі, ол есепті кезеңде кәсіподақ мүшелерінің әлеуметтік-экономикалық және еңбек құқықтары мен бостандықтарын қорғау жөніндегі кәсіподақ жұмысына ішінара тоқталды.Сондай-ақ, Үржар аудандық кәсіподақ комитеті қызметінің негізгі бағыттары және алдағы жұмыс кезеңіне арналған міндеттер туралы айтып өтті.

Бақылау-тексеру комиссиясының есепті баяндамасымен Аман Өтешұлы Тоғанбаев таныстырды.

Аудандық филиал төрағасының және бақылау-тексеру комиссиясының есептерін қарау барысында әлеуметтік әріптестер, мектеп директорлары, кәсіподақ комитеттерінің төрағалары, кәсіподақ қозғалысының ардагерлері, және Үржар аудандық білім бөлімінің басшысы м.а. сөз сөйледі.

Конференция делегаттары аудандық кәсіподақ ұйымының жұмысын қанағаттанарлық деп танып, бақылау-тексеру комиссиясының есебін бекітті.

Есеп беру-сайлау конференциясында филиал төрағасына бірауыздан Жанболат Жұмаділұлы сайланды.

Абай облысының оқу ағарту, ғылым және жоғары білім қызметкерлерінің кәсіподақ ұйымының төрағасы С.Ибраев өз сөзінде кәсіподақтың қазіргі қоғамдағы негізгі мақсаттары мен міндеттеріне қосымша тоқталып, облыстық кәсіподақ ұйымы қызметінің негізгі бағыттары туралы айтып берді.

Конференция соңында үздік кәсіподақ белсенділері мен әлеуметтік серіктестерсалалық және облыстық кәсіподақтың төсбелгілерімен және Құрмет грамоталарымен марапатталды.

Абай облыстық кәсіподақ ұйымы