МӘРТӨК АУДАНЫНЫҢ КӘСІПОДАҚ МҮШЕЛЕРІ ДЕМАЛЫСТАРЫН САУЫҚТЫРУ ОРТАЛЫҒЫНДА ӨТКІЗДІ
Кәсіподақ ұйымының бір бағыты - педагогтерді емдеу-сауықтыру шараларымен қамту. Осы мақсатта салалық ұйым кәсіподақ мүшелеріне шипажайға жолдама табыстап, денсаулықтарын нығайтуға мүмкіндік береді.
Кәсіподақ тарапынан педагогика саласында көпжылдық тәжірибесі бар, өткен оқу жылында жоғары жетістіктерімен дараланған, көптеген байқауларда топ жарған ұстаздарға шипажайларға жолдама тарту етілген болатын.
Емдеу-сауықтыру орталығында тынығу - бұл жолы Мәртөк ауданының 20-ға жуық кәсіподақ мүшесіне бұйырды. Аудан мұғалімдері жуырда Сарыағаштағы «Айша бибі», Қостанай қаласындағы «Сосновый бор», Жамбыл облысындағы «Мерке», Алға қаласындағы «Шипагер» шипажайында демалып, денсаулықтарын түзеп келді.
Педагогтардың көктемгі демалысының пайдалы, әрі қызықты өтуіне аудандық білім қызметкерлері кәсіподақ ұйымы септігін тигізді.
-
Фото
-
