ТЕМІР АУДАНЫНЫҢ КӘСІПОДАҚ МҮШЕЛЕРІ ШИПАЖАЙДА БАС ҚОСТЫ
Еңбек еткен адамның әрқашан еңсесі тік, тапқан наны адал екендігі белгілі. Яғни, еңбек адамды мұратқа жеткізеді, тек еңбек еткен адам ғана оның шын мәніндегі жемісін көретіні анық. Бұл ретте кәсіподақ мүшелерінің еңбегін елеп, ескерусіз қалдырмайтын кәсіподақ ұйымы тарапынан көктемгі демалыс кезінде де дәстүрлі қолдау көрсетіліп отыр.
Аудандық білім қызметкерлерінің кәсіподақ ұйымы білім беру ұйымдарында адал еңбек етіп жүрген кәсіподақ мүшелеріне жолдама берген болатын. Көктемгі демалыста Темір ауданының 50-ге жуық кәсіподақ мүшесі “Сарыағаш“ сауықтыру орталығында ем-дом алып, денсаулықтарын жақсартты. Санаторийдің негізгі емдеу тәсілі-минералды су болып табылады. Шипалы су созылмалы асқазан - ішек ауруларының алдын алып, емдейді. Сондай-ақ, өт жолдары, созылмалы бауыр аурулары, сусамыр, созылмалы колит, энтероколит, дисбактериоз сияқты бірнеше дертке дауа.
Биік белестерді бағындырып, асқақ абыройға бөленген кәсіподақ мүшелерінің ерен еңбектері қашан да лайықты бағаланары сөзсіз.
-
Фото
-
